Hiniling ni Senator Loren Legarda noong Biyernes na paigtingin pa ang kampanya ng gobyerno para wakasan ang illegal na pagkakalakal ng tao sa bansa.
Sa isang press statement, sinabi ni Legarda na ang Department of Justice (DOJ), Department of Social Welfare and Development (DSWD), na namumuno sa Inter-Agency Council Against Trafficking, at ang National Bureau of Investigation (NBI) ay dapat na tapatan ng istriktong batas na nagbabawal sa human trafficking ang kanilang istrikto at “effective implementation.”
Isinulong ni Legarda, may-akda ng Expanded Anti-Trafficking in Persons Act, ang unified anti-human trafficking efforts matapos kumilos ang international police mula sa Britain, United States, at Australia para matunton ang “pedophile ring” sa Pilipinas na nagresulta sa pagkakaaresto ng 17 Britons. – Ron B. Lopez
.. Continue: Balita.net.ph (source)
No comments:
Post a Comment