LeBron James, top-selling jerseys sa buong mundo

NEW YORK– Inilabas ngayon ng National Basketball Association (NBA) ang kanilang global list ng top-selling jerseys para sa 2012-13 season.

Kinuha ni two-time NBA champion LeBron James ng Miami Heat ang No. 1 spot sa unang pagkakataon na siyang may pinakamaraming popular jersey sa buong mundo.



Napasakamay ni 2010-11 Kia NBA MVP Derrick Rose ng Chicago Bulls ang top spot sa China, Latin America at Europe, at humantong na No. 2 sa overall list.

Sina Los Angeles Lakers’ Kobe Bryant, Oklahoma City Thunder’s Kevin Durant at Miami Heat’s Dwyane Wade ang napasama sa top five. Ang rankings ay base sa Adidas global sales para sa 2012-13 NBA season.

Ang paghahayag ay nagmula sa bago man magsimula ang NBA Global Games 2013, isa sa pinaka-ambisyosong international game schedules sa kasaysayan ng liga, na magsisimula bukas.

Ang listahan ay kinabibilangan ng mga manlalaro sa NBA Global Games rosters, sina Rose, Bryant, Durant, dating Los Angeles Lakers at kasalukuyang Houston Rockets center Dwight Howard, Brooklyn Nets’ Deron Williams, Lakers’ Steve Nash, Thunder’s Russell Westbrook, dating Boston Celtics at kasalukuyang Nets forward Kevin Garnett at Nets’ Joe Johnson.

Kabuuang 12 NBA teams ang maglalaro sa 10 preseason at regular-season games sa 10 mga siyudad sa pitong mga bansa bilang bahagi ng 2013-14 NBA Global Games schedule. Ito’y nagreprisinta ng pinakamaraming NBA teams na maglalaro ng internationally sa single season sa kasaysayan ng liga. Magsisimula ang NBA Global Games bukas sa Istanbul, Turkey, susundan ng mga laro sa Bilbao, Spain (Oct. 6); Manchester, England (Oct. 8); Manila, Philippines (Oct. 10); Rio de Janeiro, Brazil (Oct. 12); Taipei, Taiwan (Oct. 13); at Beijing (Oct. 15) at Shanghai, China (Oct. 18).

Ang regular-season NBA Global Games ay hahataw naman sa Mexico City (Dec. 4) at London (Jan. 16).

Ito ang ikapitong season na isinilbi ng Adidas na siyang official uniform at apparel provider ng NBA.

Ang top 15 selling jerseys worldwide para sa 2012-13 season ay ang sumusunod:

1. LeBron James, Miami Heat

2. Derrick Rose, Chicago Bulls

3. Kobe Bryant, Los Angeles Lakers

4. Kevin Durant, Oklahoma City Thunder

5. Dwyane Wade, Miami Heat

6. Carmelo Anthony, New York Knicks

7. Dwight Howard, Los Angeles Lakers*

8. Deron Williams, Brooklyn Nets

9. Blake Griffin, Los Angeles Clippers

10. Rajon Rondo, Boston Celtics

11. Steve Nash, Los Angeles Lakers

12. Chris Paul, Los Angeles Clippers

13. Russell Westbrook, Oklahoma City Thunder

14. Kevin Garnett, Boston Celtics*

15. Joe Johnson, Brooklyn Nets

.. Continue: Balita.net.ph (source)

LeBron James, top-selling jerseys sa buong mundo