PVF, umapela sa POC-PSC Task Force

Pormal na umapela kahapon ang Philippine Volleyball Federation (PVF) at Sepak Takraw sa Philippine Olympic Committee-Philippine Sports Commission (POC-PSC) Southeast Asian Games Task Force upang maisama ang national women’s team sa pambansang delegasyon sa gaganaping 27th SEA Games sa Naypyitaw, Myanmar.



Nanindigan si PVF Secretary General Prof. Rustico Camangian sa isinagawang expanded executive board meeting ng POC kahapon ng umaga na dapat ay isama ang PH women’s volley team dahil na rin sa ipinakita ng koponan sa ginanap na 17th AVC Asian Senior Women’s Volleyball Championship sa Nakhon Ratchasima, Thailand.

“We strongly appeal for the inclusion of the national women’s volleyball team which we feel in the association as the most credible team to be sent to the SEA Games,” sinabi ni Camangian na dumalo sa POC executive board meeting sa PhilSports Arena.

“We have talk to Philippines chef de mission Col. Jeff Tamayo and we also sent a letter to the Philippine Olympic Committee on the condition and justification for the inclusion of the team to the SEA Games,” pahayag pa ni Camangian.

Ipinaliwanag ni Camangian na bagamat tumapos na nasa ika-12 puwesto ang PH women’s volley team sa kada dalawang taong torneo na inorganisa ng Asian Volleyball Confederation (AVC) ay nararapat na panatiliin ng POC at PSC ang koponan na binubuo ng pinakamahuhusay na manlalaro sa bansa.

“Ito na iyong koponan na binubuo ng pinakamahuhusay na players na available anumang oras at hindi na hihiramin pa sa universities. Also, a lot of supporters of Philippine volleyball wanted to see a team in SEA Games so we hope that the POC and PSC will give them the chance to prove themselves,” giit ni Camangian.

Hindi lamang mga Pilipino ang sumusuporta sa women’s team na umaasang makabalik sa internasyunal na torneo kundi ang maging mga kalapit na bansa sa SEA Games.

“They (SEA games countries) are hoping to see the Philippines have a team again participating in the international community. Maybe it is because of our traits na very friendly hindi lang in our games kundi gusto nila tayo makalaro. Also, we have enough time to train. We now have available players, the team is available, it is ready and they are really wanting to represent the country,” ayon sa dating national player na si Camangian.

Umaasa naman ang mga miyembro ng pambansang koponan na muling mabigyan ng pagkakataon mapasabak matapos ang mahabang panahon na hindi nakalahok sa internasyunal na torneo.

“Our national players are really wanting to gain lost honor and prestige in the volleyball community. Remember, we were once powerhouse in the region but medyo matagal nga na hindi tayo nakasali kaya nawala tayo sa rankings,” dagdag pa ni Camangian. – Angie Oredo

.. Continue: Balita.net.ph (source)

PVF, umapela sa POC-PSC Task Force