Ni Angie Oredo
Maituturing sa isang “hell camp” ang isinasagawang pagsasanay sa ngayon ng mahigit 40 miyembro ng Philippine Amateur Track and Field Association (PATAFA) subalit walang umaangal sa matinding kalidad ng paghahanda ni US Olympic Track and Field team trainer Ryan Flaherty sa Baguio City.
Ipinakita mismo ni Philippine Sports Commission (PSC) Commissioner Jose Luis Gomez ang ilang documentary video ng malalimang pagsasanay ng national track and field athletes kung saan ay sumasailalim sila sa iba’t ibang makabagong weight training at calisthenics sa pasilidad ng ahensiya ng gobyerno sa sports.
“They follow an everyday program of two hours weight and body development training in the morning and then two hours again in the afternoon para naman sa kanilang speed and techniques,” sinabi ni Gomez.
Masaya naman ang pambansang atleta sa makabagong speed and fitness training nila dahil sa mas nararamdaman nila ang lalong paglakas at pagtibay ng kanilang pangangatawan bilang paghahanda na rin sa kanilang paglahok sa 27th Southeast Asian Games sa Myanmar.
Ilan naman sa ginagawa ng national track and field members ay ang pagsasanay ng 100m dash sa pataas na tura, one leg bunny hop para lumakas ang mga hita sa hagdanan paakyat, pagtalon sa limang baitang na hagdan, iba’t ibang anggulo ng pull-ups at maraming klase ng sit-ups upang tumibay ang tiyan.
“In the three months before the SEA Games, they will be physically developed for the competition. Our next concern in to prepare them naman mentally,” giit pa ni Gomez.
Ang kabuuan ng pambansang atleta na kasalukuyang sumasailalim sa pagsasanay ay kinabibilangan nina Narciza Atienza (heptathlon), Jessica Barnard (3,000SC), Riezel Buenaventura (pole vault), Mary Grace Delos Santos (marathon), Princess Joy Griffey (100m), Hanelyn Loquinto (100m) at Josie Malacad (400H).
Kabilang din sa koponan sina Jessa Mangsat (3000SC), Kayla Richardson (100/200), Kyla Richardson (100/200), Jenny Rose Rosales (100 / 400m), Katherine Khay Santos (100m/long jump), Laralie Sermona (hammer), Rosie Villarito (javelin), Edgardo Alejan (400m), Archand Christian Bagsit (400m) at Junrey Bano (400m H.
Ang iba ay sina Jordan Paul Billones (800m), Eduardo Buenanvista (marathon), Jesson Ramil Cid (decathlon), Eric Cray (400m H), Henry Dagmil (long jump), Isidro Del Prado Jr. (400m), Arniel Ferrera (hammer), Danilo Fresnido (javelin), Mervin Guarte (800m), Rene Herrera (3,000SC), Irinio Raquin (marathon), Benigno Marayag (long jump), Brian Mercado (100m), Caleb Monticalvo (pole vault), Julius Nierras (400m), Ernest John Obiena (pole vault), Eric Panique (marathon), Rafael Poliquit (10,000m), Tyler Ruiz (high jump), Eliezer Sunang (shot put), Christopher Ulboc Jr. (3000 SC) at Patrick Unso (110m H).
.. Continue: Balita.net.ph (source)
No comments:
Post a Comment