TINIRA ni Manang Cristy Fermin sa kanyang kolum kahapon sa isang panghapong tabloid ang mga magulang ni Toni Gonzaga na sina Mommy Pinty at Vice-Mayor Carlito tungkol sa panghaharang daw ng mga ito sa pagpapakasal ni Toni sa kanyang fiance na si Direk Paul Soriano.
Ang pangit ay ‘yung pinararatangan niya ang showbiz mom na natatakot daw ito na mabawasan ang kanilang kita kapag nag-asawa na ang panganay nito. Nag-text kami kay Mommy Pinty para kunin ang side nito, pero hanggang sa sinusulat namin ang aming column ay wala kaming natatanggap na sagot mula sa controversial mom.
Samantala, mukhang kuryente naman ang isinulat ng oslang host at kolumnista dahil narinig namin na last Tuesday night nag-propose na si Direk Paul kay Toni sa Manila Resorts World at present sa special na announcement na ‘yun ang pamilya ng direktor at ng nobyang aktres. Kasama ni Toni nu’ng mga oras na ‘yun ang kanyang Mommy Pinty at Daddy Carlito kaya hindi totoong tutol ang mga ito sa pagpapakasal ng kanilang anak.
Saan kaya napulot ni Manang Cristy ang inimbentong balita, sa kisame ng kanyang bahay o sa CR?
Certified no crediblity at all gyud!
***
AICELLE SANTOS AT JAYA, KAMUKHANG-KAMUKHA SA GGSS NG EB
Last January 23 ay pare-parehong ipinakita ng mga Kapuso star na sina Gardo Versoza, Sef Cayadona, Dabarkads Wally Bayola at Aicelle Santos na tulad ng mga sumasali sa Gayang-Gaya Siyang-Siya (GGSS) ng Eat Bulaga. May kakayahan din ang apat na kopyahin ang mukha at magpakita ng husay sa pagli-lipsynch ng mga pinasikat na mga song ng mga gagayahin nila sa celebrity edition ng GGSS noong Sabado. Like Gardo na sa kabila ng bruskong pangangatawan ay nakuhang i-impersonate si Tina Turner at may landi ang pagkembot nito sa ere. Kuhang-kuha naman ni Sef Cayadona ang sikat hanggang ngayon na dance moves ni late Michael Jakcson at Madam Auring na Madam Auring naman talaga ang arrive ng itsura ni Wally habang nili-lipsynch ang kanta ng famous fortune teller na “May Asim Pa.”
Pero ang talagang nag-stand out sa labanang ‘yun ay walang iba kundi ang produkto ng Pinoy Pop Superstar na at dating miyembro ng La Diva na si Aicelle. Matindi ang impact nito sa studio audience sa Broadway Studio at buong Barangay sa Jaya number nito kung saan parang pinagbiyak na bunga sila ni Jaya. Yes, gayang-gaya nito ang style ng pagkanta ng “Soul Diva” at siyang-siya ang anak ni Elizabeth Ramsay. Kaya’t among competitors ay si Aicelle Jaya Jaya Puto Maya ang naging choice para maging winner nina Jose, Paolo, Marian kasama ng 32 Dabarkads judges sa barangay na kanilang binisita.
Samantala, ngayong kumpleto na ang 8 finalists sa GGSS na kinabibilangan nina Iggy Azalea Salonga (Australian recording artist-model), Pinatawag Biglang Turner (Tina Turner), Taylor Sweep (Taylor Swift), Michael Jackstone (Michael Jackson), APL De Up and Down (APL de App), Beyon-Say My Name Say My Name (Beyonce), Charing Pempengco (Charice Pempengco) at PSY na si Psy-walk Vendor, bukas ay gaganapin na ang Grand finals ng GGSS sa Broadway Studio ng Eat Bulaga. Nakaka-excite kung sino ang tatanghaling first grand winner among 8 finalists. WALANG KIYEME/PETER LEDESMA
.. Continue: Remate.ph (source)
No comments:
Post a Comment