LUMALALIM na ba ang friendship nina Meg Imperial at JM De Guzman?
Ayon sa aming source, mukhang tuloy ang komunikasyon nila at text-an pagkatapos magsama sa isang show sa Davao nu’ng December.
Nu’ng minsang mabanggit ang name ni JM kay Meg sa isang Christmas party ay parang kinilig din ito. May namamagitan na kaya sa kanila?
Mukhang kay JM mali-link si Meg kumpara kay Sam Milby na kasama niya sa pelikulang Ex With Benefits with Coleen Garcia. Mas napag-uusapan na challenging ang role niya sa pelikula at mas mature na talaga. Bagong performance raw ang makikita sa kanya sa movie.
Wala pang regular show ngayon si Meg sa ABS-CBN 2 pagkatapos ng Moon Of Desire pero madalas ang guestings niya ngayon gaya sa ‘Singing Bee’ at kamakailan ay naging judge siya sa grand finals ng PINAsikat sa It’s Showtime.
-0o0-
Super-kilig ang bagong Korean Romantic Comedy serye ng ABS-CBN 2 na Fated To Love You dahil kinanta ng Teen King na si Daniel Padilla ang theme song ng serye na Simpleng Tulad Mo.
Suportado ng mga fans ni Daniel ang fairy tale love story nina Ron at Michelle na mapanonood sa Kapamilya Gold ng Kapamilya network
Nakasalalay sa real-life prince charming na si Ron ang pagpapatuloy ng lahi ng kanyang pamilya kaya naman kailangan niyang makapag-asawa sa lalong madaling panahon. Aalukin niya ng kasal ang kasintahang si Sera sa Macau ngunit bago pa man niya matanong ang dalaga ay nangialam na ang tadhana.
Laking gulat na lang ni Ron nang magising siya sa isang kwarto katabi ang isang babaeng nagngangalang Michelle.
Hindi makapaniwala ang dalawa na may nangyari sa kanila. Tulad ni Ron, wala ring maalala si Michelle sa kung paano siya nahantong sa sitwasyong iyon.
Sa una’y pagsususpetsahan ni Ron si Michelle na kasabwat sa hinihinala niyang tangkang pagset-up sa kanya. Ngunit agad ding makikita ng binata na nagsasabi si Michelle nang totoo.
Sa maikling panahong pagsasamahan nila, makabubuo ang dalawa ng pagkakaibigan lalo pa’t tinulungan ni Ron si Michelle na makabangon mula sa pagkakabasted sa kanya ng crush niya.
Sa kanilang pag-uwi ay iiwan na rin nila ang alaala ng nangyari sa kanila sa Macau.
Ngunit tila hindi nila matatakasan ang tadhana dahil lingid sa kaalam nila na nagbunga pala ang isang gabi ng hindi nila inaasahang pagniniig. Kaya naman si Ron kinailangang pakasalan si Michelle at maging ama sa susunod na tagapagpana ng kanilang angkan.
Huwag palalampasin ang nakakatuwa at nakakakilig na kwento ng Fated to Love You tuwing 4 PM, pagkatapos ng Nasaan Ka ng Kailangan Kita sa Kapamilya Gold ng ABS-CBN. XPOSED/ROLDAN CASTRO
.. Continue: Remate.ph (source)
No comments:
Post a Comment