NAKALULUNGKOT ang nangyari sa pagkakapatay sa 44 na miyembro ng PNP-Special Action Force (SAF) nang sila’y tambangan ng pinagsanib na grupo ng Bangsamoro Islamic Freedom Figthers (BIFF) at ng Moro Islamic Liberation Front (MILF) para hulihin sina Zulkifli Bin Hir alyas Marwan at Kumander Bassit Usman ng Jemaah Islamiyaah terrorist group noong nakaraang Linggo sa Mamasapano, Maguindanao.
Ang matindi pa rito, ang daming samu’t saring ispekulasyon ang lumabas na sa bandang huli ang mga namatay na SAF ang sinisisi pa!
Kesyo hindi raw nakipag-koordinasyon ang SAF sa MILF kaya nagkaroon ng misencounter sa pagitan ng mga ito at may anggulo rin na kesyo ang ‘reward money’ ang dahilan kaya isinakatuparan ang operasyon sa pagtugis kina Marwan at Usman.
Ang masakit pa nito, bandang huli kung sino pa ‘yung hepe ng PNP-SAF na si Gen. Getulio Napeñas na nanguna sa pagtugis sa wanted na sina Marwan at Usman ay siya pa ang sinibak ni DILG Sec. Mar Roxas.
Anong klaseng gobyerno mayroon tayo kung si Sec. Roxas ang magiging Pangulong ng Pilipinas.
Sa totoo lang ay dapat nga ay ipagbunyi at i-promote natin si Gen. Napeñas sa kanyang mahusay na pamumuno sa pagtugis sa mga kaaway ng ating bansa!
Alam ba ninyo bayan, ‘successful’ ang operasyon ng PNP-SAF. Bagama’t may nabuwis na buhay sa SAF ay napatay naman nila ang most-wanted na si Marwan.
Katunayan, ayon sa ating ‘source’, ay pina-DNA test na sa Amerika ang specimens at blood ni Marwan at sa loob ng tatlong linggo ay lalabas na ang resulta nito. Tingnan natin.
MALAKAS SA KAPWA PULIS
Patuloy ang operasyon ng bookies ng karera ni PO2 Presnedi alyas Pacnoy sa Maynila. Hindi kumikilos ang mga kapulisan dahil malaki ang natatanggap ng mga ito ng I.N.T. (lagay) kay Pacnoy.
***
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
.. Continue: Remate.ph (source)
No comments:
Post a Comment