MAHIGIT P28-milyon ang naitalang danyos sa pagkakasunog ng Benigno Aquino Hall of Justice sa Hayes St., Cagayan de Oro City kagabi.
Nabatid na umaabot sa general alarm dahil sa sobrang laki ng sunog na tumupok sa nasabing tanggapan ng gobyerno.
Ayon kay BFP District Fire Marshall Supt. Shirley Teleron, hindi nila isinasantabi ang posibilidad na electrical short circuit ang isa sa posibleng dahilan sa pagsiklab ng apoy.
Kasalukuyan namang inaalam ang ulat na mayroong dalawang katao ang missing matapos ang malaking sunog.
Una nang nakitang nagsimula ang apoy sa mismong tanggapan ni Regional State Prosecutor Jaime Umpa na sinasabing siyang may hawak ng kontrobersyal na extra judicial killings na kinasasangkutan ng apat na akusadong mga pulis at isang abogado.
Isinara naman ang compound ng hall of justice dahil maraming nakatambak na ebidensyang baril at granada ang nakadeposito sa magkaibang korte. MARJORIE DACORO
.. Continue: Remate.ph (source)
No comments:
Post a Comment