TINANGHAL bilang NBA Players of the Week sina LeBron James ng Cleveland Cavaliers at Klay Thompson ng Golden State Warriors sa kanilang mga laban mula January 19 hanggang 25.
Nanguna si James sa kanilang 4-0 week na may average na 27.8 ppg, 6.8 apg, 6.3 rpg at 2.25 steals. Hindi bumaba sa 25 puntos ang naitala ni James sa apat na laro nila, na kumana pa ng apat na steals sa magkasunod nilang laro noong Jan. 21 – 23, kontra sa Utah Jazz at Charlotte Hornets.
Enero 25 naman nang bumira si James ng 34 big points, pintong rebounds, limang assist at dalawang block sa 108-98 panalo nila kontra sa Oklahoma City Thunder.
Sa West, nag-average naman si Thompson ng 33.0 ppg kabilang ang 21-of-38 mula sa 3-pt. area at 2.25 steals per game sa kanilang 4-0 week.
Sa kanilang panalo naman kontra sa Sacramento Kings, 126-101, noong January 23, nag-ambag si Thompson ng 37 pts. sa third quarter, kung saan naitala ang bagong NBA record na may pinakamaraming puntos sa loob ng isang quarter.
Kabuuang 52 puntos ang kinana ni Thompson sa laban nilang iyon, kabilang ang mainit na 11-of-15 three-point shot.
Nominado rin bilang Players of the Week sina Paul Millsap ng Hawks, Monta Ellis ng Mavericks, James Harden ng Rockets, DeAndre Jordan ng Clippers, Anthony Davis ng Pelicans, Carmelo Anthony ng Knicks, Eric Bledsoe at Isaiah Thomas ng Suns, Kawhi Leonard ng Spurs at Kyle Lowry ng Raptors. GILBERT MENDIOLA
.. Continue: Remate.ph (source)
No comments:
Post a Comment