Liderato ng PNP, 2 ang namumuno

LITONG-LITO ngayon ang halos lahat ng mga police officials kung kanino sila susunod sa kautusan dahil napapansin nilang may dalawang chain of command ang Philippine National Police (PNP).

Si Deputy Director General Leonardo Espina ang itinalagang officer-in-charge (OIC), ngunit si Director General Alan Purisima naman na kahit suspendido ay may malaki pa rin na inpluwensya sa liderato ng kapulisan.

“We are now confused whom to follow because we now have two chiefs in the person of PNP chief Gen. Purisima and Gen. Espina,” pahayag ng isang ranking police officer na ayaw magpakilala at tumatayo lamang na tagapagsalita para sa kanyang mga kasamahan.

Ang tinutukoy ng naturang opisyal ay walang iba kundi si Chief Superintendent Getulio Napeñas, na sinibak sa posisyon kasunod ng brutal na pagpatay sa 44 niyang mga tauhan sa inilatag na isang high-level mission para mahuli ang dalawa sa pinaka-wanted ng terorista sa mundo.

Mahigit 400 SAF commandos ang pumasok sa isang barangay sa Mamasapano, Maguindanao noong madaling-araw ng Enero 25 para hulihin sina Malaysian bomber Zulkifli bin Hir, alyas Marwan, at ang kanyang kasabwat na Filipino na si Basit Usman.

Pinaasok ng SAF commandos ang isang malaking guerrilla force ng Bangsamoro Islamic Freedom Fighters (BIFF) bago sila minasaker ng Moro Islamic Liberation Front (MILF).

Ang operasyon ay plinano at iniutos mismo ni SAF Napeñas pero may basbas ni Purisima na katulong ang ilang bilang ng retired military at police generals sa ilalim pa rin ng pamumuno ni Executive Secretary Pacquito Ochoa, Jr. bilang hepe ng Presidential Anti-Organized Crime Commission (PAOCC).

“It would be difficult for us if we do not follow Purisima. We will be in a difficult situation if he comes back. It would also be difficult if we do not follow the orders of the PNP OIC and the Interior Secretary (Manuel Roxas II). What should we do?” litong pahayag ng police official said.

Para malutas aniya ang problema, ang dapat gawin ay ang lahat ng opisyal na nakaupo sa posisyon sa pamamagitan ng ‘in acting capacity’, na aniya’y karaniwang ginagawa sa PNP, ay maging permanent positions.

Sa kasalukuyan, sinusunod nila ang dalawang chain of commands. May ilang officers na sanggang-dikit kay Purisima, at ang iba naman ay kay Espina. ROBERT TICZON

.. Continue: Remate.ph (source)

Liderato ng PNP, 2 ang namumuno