Ex-Chief Justice Narvasa, pumanaw na

Nagpaabot ng pakikiramay ang Malacañang sa naiwang pamilya ni dating Chief Justice Andres Narvasa na sumakabilang buhay kahapon sa edad na 84.

“Kaisa natin ang buong sambayanan sa pakikidalamhati sa pamilya ng pumanaw na dating Supreme Court Chief Justice Andres Narvasa kaninang umaga,” sinabi ni Presidential Communications Operations Secretary Herminio Coloma Jr .



“Nagbibigay-pugay tayo sa kanyang matapat na paglilingkod sa bayan bilang mahistrado, manananggol, at College of Law dean,” ayon kay Coloma. Itinalaga ng noo’y Pangulong Corazon Aquino si Narvasa bilang punong mahistrado ng Korte Suprema noong Disyembre 8, 1991. Isa si Narvasa sa associate justice na itinalaga ni Pangulong Corazon Aquino ilang buwan matapos ang February 1986 EDSA People Power Revolution.

Nagretiro si Narvasa sa Korte Suprema noong Nobyembre 30, 1998.

“Hinangaan ng buong bayan ang mahusay niyang pangangasiwa sa prosekusyon laban sa mga isinakdal hinggil sa assassination ni dating Senador Benigno ‘Ninoy’ Aquino, Jr. bilang general counsel ng Agrava fact-finding board na binuo upang siyasatin ang pagpaslang sa dating senador,” pahayag ni Coloma. – Genalyn D. Kabiling

.. Continue: Balita.net.ph (source)

Ex-Chief Justice Narvasa, pumanaw na

Toroman, nilisan ang Barako Bull

Habang nasa planning session ang mga miyembro ng Philippine Basketball Association (PBA) board of governors sa Australia, muli na namang nagkaroon ng hindi inaasahang kaganapan sa bansa matapos ang biglaan pagbaba sa puwesto ni Serbian coach Rajko Toroman bilang consultant ng Barako Bull noong nakaraang Miyerkules.



Bunga nito, agad na may naglabasang pangalan para pumalit sa nasabing posisyon na nabakante ni Toroman na kinabibilangan nina Petron Blaze assistant coaches Leo Austria at Koy Banal.

Ngunit mabilis naman itong itinanggi ng dalawa sa pagsasabing wala namang anumang pahiwatig at wala kahit na isa na lumalapit sa kanila at nakipag-usap tungkol sa isyu.

“Matagal na naming naririnig iyan, last conference pa. Pero wala namang kumakasuap sa akin,” pahayag ni Banal na siya ring head coach ng Arellano University sa NCAA.

“Semis pa lang ng Governors’ Cup naririnig ko na iyan,” ayon naman kay Austria.

“Pero hanggang ngayon wala pa namang kumakausap sa akin,” ayon naman kay Austria.

Gayundin sinabi ng dalawang coach na kung sakali mang totoo, pag-iisipan muna nilang mabuti kung ano ang gagawin nilang hakbang bago tanggapin ang nasabing posisyon. – Marivic Awitan

.. Continue: Balita.net.ph (source)

Toroman, nilisan ang Barako Bull

‘It’s Showtime,’ waging-wagi sa ratings

Ni Ador Saluta

HINDI kataka-taka kung bakit usap-usapan ng buong bayan It’s Showtime dahil sinubaybayan ng madlang pipol ang pasikatan at patalbugan ng hosts sa kanilang Magpasikat Week bilang bahagi ng kanilang ikaapat na anibersaryo.

Dahil dito, ratsada sa pamamayagpag sa ratings ang noontime show ng Dos.



Panalo ang Show time laban sa katapat nitong Eat Bulaga ng GMA sa national TV ratings na 14.3 % vs 13.2 % (Oct 21); 15.9% vs 13.2% (Oct 22); 16% vs 13% (Oct 23); 18.5% vs 12.8% (Oct 24); at 18.2% vs 13.3% (Oct 25).

Pinanood at naging trending sa marami nating kababayan ang Kapamilya noontime program noong Sabado (Oct 26) nang itanghal na grand champion ng Magpasikat Week ang team nina Karylle, Jugs Jugueta, at Teddy Corpuz. Kaya naman mas lalo pang lumaki ang lamang ng Show time sa national TV rating na 19.6% laban sa 12.1 % ng Eat Bulaga.

Ang napiling charity nina Kary Ike, Jugs at Teddy ang tatanggap ng P200,000 na kanilang napanalunan sa patuloy na pinag-uusapang performance na pabaligtad nilang kinanta ang theme song ng It’s Show time.

Tinalo nila sina Vice Ganda at Kuya Kim Atienza na naging first runner-up at nagkamit ng P150,000, at second runnerup naman ang team nina Billy Crawford, Vhong Navarro, at Coleen Garcia na nakatanggap ng P100,000 para rin sa kanilang charity.

Consolation prizes naman ang tinanggap nina Anne Curtis at Jhong Hilario at Ryan Bang-Eruption Tai.

Ang Magpasikat Week ay naging annual tradition na ng hosts ng It’s Show time tuwing ipinagdiriwanang kanilang anibersayo.

.. Continue: Balita.net.ph (source)

‘It’s Showtime,’ waging-wagi sa ratings

6 pulis kinasuhan ng kidnapping

GENERAL SANTOS CITY – Kinasuhan na sa korte ang anim na pulis at isang kasamahan nito na itinuturong responsable sa

pagdukot ng tatlong negosyanteng Muslim sa South Cotabato noong Agosto 2012.

Kabilang sa mga kinasuhan sa sala ni Regional Trial Court Judge Lorenzo Balo ay sina SPO1 Felestino Reyes, PO3 Randy Galan, PO2 Francisco Castro, PO1 John Cesar Elisano, PO1 Julist Ocampo, PO1 Jeffrey Delarmente at Abdul Bashit Ishak.



Ang 7 ay nahaharap sa kasong kidnapping-for-ransom, robbery at carnapping bunsod ng pagdukot kina Mohamad Kuto, Albdul Maran Ibat at maybahay nitong si Zenaida noong Agosto 26, 2012.

Lahat na katalaga sa Philippine National Police (PNP) Regional Intelligence Group, puwersahang isinakay ng mga suspek ang mga biktima sa Toyota Hi-Lux pick up ng huli sa isang gasolinahan sa Barrio 2, Koronadal City.

Pinaniniwalaang pinagugatan ang kidnapping sa away sa negosyo ni Ishak at mga biktima, na kinalaunan ay nasagip ng pulisya sa Bansalan, Davao del Sur.

Ang mga suspek ay kasalukuyang nakakulong sa provincial jail ng Koronadal City. – Joseph Jubelag

.. Continue: Balita.net.ph (source)

6 pulis kinasuhan ng kidnapping

DOH, nagbabala vs pagbili ng pagkain sa mga sementeryo

PINAG-IINGAT ng Department of Health (DOH) ang publiko laban sa pagbili ng mga pagkaing ibinibenta sa mga sementeryo.

Ayon kay Health Secretary Enrique Ona, posibleng ang mga pagkaing itinitinda sa mga sementeryo ay mapanganib dahil sa mga ganitong lugar ay madaling makontamina ang mga pagkain, at maging sanhi pa ng food poisoning at diarrhea.



Kabilang sa mga pagkain na malimit aniyang ipinagbibili sa mga kalsada ay ang mga pansit, spaghetti, mangga, cassava, mga palamig, isaw, mais, itlog at iba pa.

Pinayuhan pa ni Ona ang publiko na mas makabubuting magbaon na lamang ng sariling pagkain upang matiyak ang kaligtasan ng mga ito.

Dapat din aniyang magbitbit ng maraming tubig at payong o sumbrero bilang proteksiyon sakaling maging napakainit ng panahon sa Undas.

Mas mabuti rin aniyang iwasan ang pagbabaon ng mga pagkaing madaling mapanis.

Payo pa ni Ona, huwag nang magsama ng mga sanggol at maliliit pang bata sa sementeryo dahil madaling dapuan ng mga sakit at iba pang impeksiyon ang mga ito dahil sa kanilang low resistance.

Samantala, umapela si Ona sa bus operators at iba pang transport owners na magpakalat ng mas maraming bus na maghahatid sa mga tao sa mga lalawigan.

Babala pa ni Ona, ang mga diplanadong biyahe, overcrowding ng mga pampasaherong bus o kahit ng mga pribadong sasakyan, ay madalas na siyang sanhi ng mga aksidente. –Mary Ann Santiago

.. Continue: Balita.net.ph (source)

DOH, nagbabala vs pagbili ng pagkain sa mga sementeryo

‘FILIPINO VALUES MONTH’ ANG NOBYEMBRE

Ang Nobyembre ay “Filipino Values Month”. Layunin nito ang itaguyod ang mas malawak na kaalaman sa kaugaliang kakaiba at positibong Pilipino – pag-ibig sa Diyos at bansa, mahigpit na ugnayan ng pamilya, pagkalinga sa mga nakatatanda, pagkamasinop, pagtitimpi, katapatan, pagkamagiliw, bayanihan, bukas-palad, at may matibay na respeto sa sarili at dignidad.



Ang okasyon ay pagtalima sa Presidential Proclamation No. 479 na may petsang Oktubre 7, 1994. Ang mga aktibidad para sa selebrasyon ay kinabibilangan ng poster-making, slogan contests, fun run, lectures, paligsahan sa pagluluto at pagsayaw, at essay writing sa mga paaralan.

Ang kaugalian ay ugat ng mga tradisyon na mahalaga para sa mga Pilipino. Malalim na ikinintal ito sa kanila mula pagkamusmos at hindi nagbabago. Nagmumula ang kaugalian sa mga karanasan sa pakikipagkapwa, mula sa mga magulang, guro, kaibigan at kamag-aral.

Ang pamilya ang nangunguna sa pagkikintal ng kaugalian sa kabataang Pilipino, at ang tahanan ang lugar kugn saan nililinang at pinatitibay ang mga kaugalian. Pinatitibay din ng mga paaralan ang mga kaugalian sa pamamagitan ng pagkakaloob ng mga oportunidad para sa kabataan na isabuhay ang kaugaliang kanilang natutuhan sa paaralan at sa kainag pakikitungo sa kanilang mga kaibigan at mga superyor.

Binabati natin ang Department of Education sa pangunguna ni Bro. Armin A. Luistro, at ang Commission on Higher Education sa pamumuno ni Chairperson Dr. Patricia B. Licuanan, sa kanilang pagsisikap na ikintal ang kahalagahan ng kaugalian at kulturang subok na ng panahon kung kaya angat tayo bilang mamamayan ng Republika ng Pilipinas. CONGRATULATIONS AT MABUHAY!

.. Continue: Balita.net.ph (source)

‘FILIPINO VALUES MONTH’ ANG NOBYEMBRE

PNP, inilagay sa red alert

Ni Mark Manuel

Nasa red alert status ang Philippine National Police (PNP) sa Central Luzon upang tiyakin ang mapayapa at maayos na paggunita sa All Saint’s Day at All Soul’s Day sa rehiyon.

Sinabi ni Chief Supt. Raul Delfin Petrasanta, Police Regional Office (PRO) director, na ang red alert status ay itinaas bago ang barangay elections noong Oktubre 28 at mananatili hanggang bukas, Nobyembre 2.



Sinabi ni Petrasanta na kabilang sa security measures na kanilang inilatag ang police assistance sa mga highway at pangunahing daan sa rehiyon, at traffic management sa mga rutang patungo sa mga sementeryo at iba pang mga lugar na dinaragsa ng mga tao.

Inilatag din ang Police Assistance Centers para umayuda sa publiko at mga PNP checkpoint upang masawata ang mga masasamang loob sa paggawa ng krimen.

Sinabi niyang ipapakalat ang mga pulis sa iba’t ibang sementeryo sa Central Luzon.

Nagbabala ang Regional Police Chief sa mga dumadalaw sa libingan ng kanilang mga mahal sa buhay laban sa pagbitbit ng armas gaya ng baril, patalim, alak, at iba pang ipinagbabawal na bagay sa mga sementeryo. Magpapakalat din sila ng mga pulis na kay K-9 dogs sa mga terminal ng bus sa rehiyon upang matiyak ang kaligtasan ng mga pasahero.

Upang matiyak naman ang kaligtasan mamimili, sinabi niyang magtatalaga ring mga pulis sa mga mall sa rehiyon.

“Police Mobile Vehicles will also be patrolling various subdivisions in the region to make sure robbers could not do their illegal activities during the observance of All Saints’ Day,” aniya.

.. Continue: Balita.net.ph (source)

PNP, inilagay sa red alert

Number coding scheme, suspendido hanggang Nob. 3

Sinuspinde ang Uniform Vehicular Volume Reduction Program o number coding scheme sa buong Metro Manila epektibo simula kahapon hanggang Nobyembre 3, inihayag ni Metropolitan Manila Development Authority (MMDA) Chairman Francis Tolentino.



Ayon kay Tolentino, ang pagsuspinde sa number coding ay bunga ng hiling ng maraming motorista na nais makabiyahe

patungo sa iba’t ibang probinsya sa pagdaraos ng Undas.

Noong Oktubre 25, nagpakalat ng mahigit 2,000 traffic enforcer ang MMDA para sa “Oplan Kaluluwa” upang magmando ng trapiko at gabayan ang mga biyahero at motorista na gagamit ng mga alternatibong ruta patungo sa sementeryo sa Metro Manila.

Nilinaw ng MMDA chief, ibabalik ang normal na implementasyon ng number coding sa Lunes, Nobyembre 4. – Bella Gamotea

.. Continue: Balita.net.ph (source)

Number coding scheme, suspendido hanggang Nob. 3

Matinding rosters, ikinasa sa PSL Grand Prix 2013 action

Ang mga galaw ng manlalaro at matitinding recruitment ang nagmarka sa linggong ito patungo sa opening weekend ng Philippine Superliga Grand Prix 2013 sa Nobyembre 10 sa The Arena sa San Juan.



Iniulat na muling pinalagda ng Cignal si PSL Invitationals Most Valuable Player Venus Bernal ngunit mas nakaiskor si head coach Sammy Acaylar mula sa pangangalap nang makuha nito si Angelique Dionela, ang inaugural tournament’s best digger, mula sa Cagayan Valley.

Nahugot rin ni Acaylar sina Chee Saet at Maureen Penetrante-Ouano mula sa disbanded Bingo Milyonaryo, maliban sa pinalagda sina Danika Gendaruli at Michelle Datuin, na nagdala sa Cignal bilang napakalakas na puwersa para kamkamin ang Grand Prix trophy.

Ang Cignal ang runner-up sa PSL Invitational Tournament champion TMS-Army may tatlong buwan na ang nakalilipas.

Ngunit siniguro ni Army Lady Troopers coach Rico de Guzman na mananatiling malakas ang kanyang koponan para sa inaasam na back-to-back titles nang mapalagda naman ang ilang veteran players, kasama na sina Tina Salak, Joanne Bunag, Theresa Iratay, Jovelyn Gonzaga at Carolino sisters na sina Michelle at Mayette.

Ginamit rin ng Cagayan Valley, ibinigay sa mga paborito ang malaking balakid nang simulan ang Invitationals na may matinding kampanya ngunit ‘di kalaunan ay pumuwesto sa ikaapat bagamat nakipagsabayan ng matindi sa closing games, ang mahabang bakasyon upang mapalakas ang kanilang roster.

Nakuha ni Cagayan Valley’s veteran coach Ness Pamilar si Angelica Tabaquero na mula sa Petron, Pau Soriano at Aiza Maizo na mula sa PLDT, at Joy Benito at Wenneth Eulalio.

Napasakamay ni Petron coach Vilet Ponce-de Leon sina Stephanie Mercado at Mic-Mic Laborte na mula sa Puffins, maliban sa pagpapapirma kina Melissa Gohing, Kara Acevedo, Karla Bello at Gretchen Ho.

Sinabi ni coach Roger Gorayeb na balewala sa kanya na mawala sa kanilang hanay sina Soriano at Maizo sa Cagayan Valley kung saan ay nakuha niya ang serbisyo nina veterans Lislee Ann Pantone, Sue Roces, Angelica Benting, Lou Ann Latigay, Cha Soriano at Nica Guliman sa PLDT.

Kumpiyansa naman ang bagong Air Asia Zest coach Ronald Dulay sa kanyang koponan na batid niya na magpapakita ng angking lakas sa laban, kabibilangan nina Michico Castaneda, Ivy Remulla, Rhea Dimaculangan, Wendy Semana at Maika Ortiz.

Ang lahat ng anim na koponan ay kabibilangan rin ng international players, ayon kay PSL President Ramon “Tats” Suzara, kinumpirma ang mga manlalaro na mula sa United States, China, Japan at Thailand na pawang may eksperiyensa sa paglalaro sa FIVB (International Volleyball Federation) tournaments.

.. Continue: Balita.net.ph (source)

Matinding rosters, ikinasa sa PSL Grand Prix 2013 action

‘Genesis,’ inilampaso ng ‘Honesto’

Ni Reggee Bonoan

INTERESADO ang publiko sa teleserye na naghahangad magbahagi ng kuwento tungkol pagbibigay halaga sa katapatan.

Naging No.1 agad sa national TV ratings at sa pagiging trending topic ang Honesto na pinakabagong Primetime Bida teleserye ng ABS-CBN Sa resulta ng survey ng Kantar Media noong Lunes (Oktubre 28), nagtala ang Honesto ng 30.5% sa national TV ratings na 20 puntos ang lamang sa katapat nitong programa sa GMA na Genesis na nakakuha lang ng 10.5%.



Hindi nagkamali si Rondel Lindayag, ang main man ng thinktank ng creative department ng Dreamscape business unit ni Deo Endrinal, sa paglikha kay Honesto na inspired kay Pinocchio.

Dahil napapanahong isyu sa lipunang Pinoy ang katapatan at kabutihan, waging-wagi rin ang ‘tapat at totoong’ kuwento ng Honesto sa social networking sites tulad ng Twitter. Pinag-usapan at naging nationwide trending topic sa Twitter ang isa sa mga bida nito na si Paulo Avelino at ang hashtag na #HonestoPromisePilot.

Bumuhos ang positibong tweets tulad nitong mga sumusunod: “@LhieDeJesus: #HonestoPromisePilot Nakakatuwang isipin na may ganitong palabas. ‘Pinapakita ‘yung importansiya ng pagiging honest;” “@mybunny88:Maganda at mabilis ang takbo ng istorya. Napakagaling umarte ng buong cast. Tiyak na magiging patok ito! Congrats! #HonestoPromisePilot @mepauloavelino;” at “@JCMWalkersBC: Ang galing ng cast ng Honesto. Parang comedy na puno ng aral. #HonestoPromisePilot Sarap ng feeling ‘pag nagsasabi ng totoo.”

Samantala, tiyak na lalong susubaybayan ng televiewers gabi-gabi ang Honesto ngayong natuklasan na nina Felipe (Spanky Manikan) at Fina (Maricar Reyes) ang tunay na kulay nina Diego (paulo), Cleto (Nonie Buencamino), at Hugo (Joel Torre).

Kaabang-abang kungmababago pa ni Diego ang kanyang mga pagkakamali upang mapatunayan ang kanyang pag-ibig kay Fina o kung tuluyan na silang paghihiwalayin ng kasakiman at kasinungalingan ng kanyang pamilya.

.. Continue: Balita.net.ph (source)

‘Genesis,’ inilampaso ng ‘Honesto’

Calayag, pinanindigan ng Malacañang

Ni Madel Sabater – Namit

Sinabi ng Malacañang noong Miyerkules na kwalipikado si National Food Authority (NFA) administrator Orlan Calayag sa

kanyang kasalukuyang puwesto sa gobyerno.

Ito ay pagkatapos ng review and verification process ng Palasyo sa mga isyu kaugnay sa appointment ni Calayag.



Lumabas sa mga naunang ulat na si Calayag diumano ay isang American citizen at hindi binatikos sa paghawak ng posisyon sa giobyerno.

Gayunman, sinabi ni Executive Secretary Paquito Ochoa, Jr. na naabot ni Calayag ang lahat ng requirement para hawakan ang puwesto sa NFA.

“Based on an assessment of the documents provided by Mr. Orlan Calayag, he has met all the qualifications necessary to hold his current position,” sabi ni Ochoa.

Naunang iginiit ng Palasyo na ang lahat ng Presidential appointees ay sumailalim sa screening process bago itinalaga.

Unang itinalaga si Calayag noong Enero 17, 2013, para pagsilbihan ang hindi natapos na termino ni NFA administrator Angelito Banayo, na nagbitiw sa puwesto para tumakbo sa Kongreso sa Agusan del Norte noong May 2013 elections.

Nagtapos ang termino ni Banayo noong Hunyo 30, 2013. Muli namang itinalaga si Calayag, bilang NFA administrator noong Hulyo 12, 2013.

Si Calayag ay dating chief of staff ni Agriculture Secretary Proceso Alcala nang ang huli ay Congressman ng lalawigan ng Quezon.

Ang NFA administrator ay licensed mortgage consultant sa Metropolitan Mortgage group sa Washington, USA, at naging loan officer at consultant ng Bank of America bago ang kanyang appointment sa NFA.

.. Continue: Balita.net.ph (source)

Calayag, pinanindigan ng Malacañang

Manny Villar, second highest taxpayer

Kung tama ang listahan ng Top 500 taxpayers for 2012 na inilabas ng Bureau of Internal Revenue (BIR), kasama dapat si dating Senador Manny Villar bilang ikalawang pinakamalaking ibinayad na buwis sa gobyerno.



Nagbayad si Villar para sa kanyang income tax return (ITR) para sa 2012 ng P72.2 milyon bilang income tax, base sa taxable income na P376.5 milyon na kanyang kinita sa pagbebenta ng stocks mula sa Vista Land & Lifescapes at Starmalls Inc., at pagbili ng lupain.

Nagbayad din si Villar, na nagtapos ng kanyang ikalawang termino sa Senado noong Hunyo 30, ng P72,950.00 bilang income tax mula sa kanyang sahod na P420,000.00 bilang mambabatas.

Dapat aniyang confi dential ang ITR ni Villar subalit ito ay kanyang inilantad sa mga mamamahayag bilang reaksiyon sa newspaper advertisement na ipinalabas ng BIR.

Nakasaad sa anunsiyo na 15 mula sa 40 pinakamayayamang Pinoy na nakalista sa Forbes Magazine para sa 2012 ay hindi lumitaw sa listahan ng top 500 tax payers ng BIR.

Sa mga nakaraang taon, ipinaliwanag ng BIR na hindi lahat ng mayamang indibidwal ang naisasama sa top taxpayers list dahil ang listahan ay base sa regular income tax na binayaran ng mga ito.

.. Continue: Balita.net.ph (source)

Manny Villar, second highest taxpayer

NSA director, dumepensa

WASHINGTON (Reuters)— Nagkaroon ng hindi pangkaraniwang depensa ang political uproar sa diumano’y paniniktik ng U.S. sa mga kaalyadong European mula kay National Security Agency: sinabi ng NSA na mismong ang mga European ang naniniktik, at ibinibigay ang mga data sa mga Amerikano.



Bibihira para sa intelligence officials na magsalita sa anumang public detail tungkol sa liaison arrangements sa foreign spy agencies dahil napakasensitibo ng relasyong ito.

Ngunit ito ang ginawa ni NSA Director General Keith Alexander sa public congressional hearing noong Martes, para kontrahin ang international complaints sa diumano’y pagmamalabis ng ehensiya, sinabi niya na kabilang sa kanilang sources sa foreign telecommunications information ang “data provided to NSA by foreign partners.”

.. Continue: Balita.net.ph (source)

NSA director, dumepensa

Nadal, umentra sa third round

PARIS (AP)- Umabante si topseeded Rafael Nadal sa third round ng Paris Masters habang nakuwalipika si Roger Federer sa ATP Finals sa ika-12 sunod na taon.

Binigo ni Nadal si Marcel Granollers, 7-5, 7-5, sa isang all-Spanish meeting habang dinispatsa ni Federer si Kevin Anderson, 6-4, 6-4.



‘’I didn’t play well tonight,’’ pahayag ni Nadal. ‘’Something that can happen after two weeks without playing and after a long time without playing on this kind of surface.’’

Umusad si Nadal sa 6-5 lead sa bawat set at kinubra ang panalo nang kumulapso ang forehand ni Granollers. Ang laro ang sinasabing may maikling palugit tungo sa pagwawagi, kung saan ay tinipa ni Nadal ang 20 winners kumpara sa 15 ni Granollers, bukod pa sa nakamit ang 23 unforced errors kumpara sa 22 ng kanyang kalaban.

‘’The rhythm of my legs tonight was poor,’’ saad ni Nadal. ‘’I’m slower than usual, and a lot of mistakes, easy mistakes.’’

Naglaro si Nadal sa Paris Masters sa unang pagkakataon matapos ang 2009. Hindi ito nakita sa aksiyon sa nakalipas na tatlong taon sanhi ng injuries at fatigue.

‘’The victories in days that you are not playing well have much more value than the victories on days that you play well,’’ giit pa ni Nadal.

Target ng U.S. Open champion ang record sixth Masters title sa single season. Makakatapat nito ang nakaraang taong runner-up na Jerzy Janowicz ng Poland sa third round. Pinatalsik ni Nadal si Novak Djokovic sa ibabaw ng rankings nang umentra ito sa finals ng China Open sa buwan na ito. Taglay nito ang 30-2 record sa hard courts sa taon na ito.

Bagkaroon naman ng malamyang season si Federer, nadiskaril sa second round ng Wimbledon at fourth round sa U.S. Open upang sumadsad sa No. 6 sa rankings.

‘’It’s definitely somewhat of a highlight of the season for me after having a tough few months to still make it to the World Tour Finals,’’ pahayag ni Federer.

Kinuha ng fifth-seeded na si Federer ang 5-1 lead sa second set at isinagawa ang huling pag-atake.

‘’Tough isn’t always negative,’’ dagdag ni Federer. ‘’I like it when it’s not so easy. But it’s true, I had to get up again after being sort of knocked down numerous times this year. I feel really good again, probably the first time ever since maybe Dubai.’’

Umakyat din sina defending champion David Ferrer, Juan Martin del Potro at Stanislas Wawrinka sa third round.

Pinataob ni Ferrer si Lukas Rosol, 6-0, 2-6, 6-3, habang kinulapso ni Del Potro si Marin Cilic, 6-4, 7-6 (3).

Naglaro lamang si Cilic sa kanyang ikalawang match makaraang magtapos ang kanyang four-month ban sanhi ng positive doping test, habang umentra si Del Potro sa Paris Masters matapos ang mga titulo sa Swiss Indoors at Japan Open, kasama na ang runner-up finish sa Shanghai Masters.

Umasa si Del Potro sa backhand error mula kay Cilic upang kamkamin ang 5-4 sa opening set. Kinuha rin ng fourth-seeded Argentine ang 6-2 lead sa tiebreaker at isinubi ang panalo sa isa pang backhand error ng kalaban.

Samantala, pinadapaa ni Wawrinka si Feliciano Lopez, 6-3, 3-6, 6-3, upang manatili sa karera para sa dalawang nalalabing ATP Finals spots. Sa final set, hinadlangan ng seventh-seeded Swiss si Lopez sa ikalawang laro at ‘di ito nakaharap ng anumang break points.

Nagsipagwagi rin sina John Isner, Nicolas Almagro, Gilles Simon, Grigor Dimitrov at Philipp Kohlschreiber sa kanilang second-round matches.

Sinilat ni Isner si Polish qualifier Michal Przysiezny, 7-6 (3), 4-6, 6-3.

Inungusan ni Simon si wild card Nicolas Mahut, 6-4, 6-7 (5), 7-6 (3), sa isang all-French meeting, pinigilan ni Almagro ng Spain si Ivan Dodig, 6-4, 6-3, tinapyas ni Bulgaria’s Dimitrov si Fabio Fognini, 6-3, 5-7, 6-2, habang dinominahan ni Kohlschreiber si Tommy Haas, 6-2, 6-2, sa all-German match.

.. Continue: Balita.net.ph (source)

Nadal, umentra sa third round

Blackout sa Turkey sea tunnel

Istanbul (AFP)— Nilakad ng mga mga pasahero ng tren sa bagong tunnel ng Turkey sa Bosphorus ang kalahati ng biyahe noong Miyekules nang pumalya ang elektrisidad na ikinaantala ng serbisyo, isang araw matapos ang magarbong pagbubukas nito.

Ang 13.6-kilometre (8.5 mile) undersea tunnel sa Istanbul – ang una sa mundo na nag-uugnay sa dalawang kontinente, ang Asia at Europe, ay binigyan ng masigabong na inagurasyon noong Martes bilang “project of the century” ng gobyerno.



Ngunit dahil sa blackout, napilitan ang mga pasahero na iwanan ang tren, bago maayos ang problema at agad ding naibalik ang serbisyo.

“The failure occurred at 8:12 am (0612 GMT) and lasted two minutes. Passengers had to walk for 10 minutes on the tracks to reach emergency exits,” sabi ng isang opisyal sa ministry of transportation.

Ang tunnel, ang katuparan ng pangarap ng isang sultan 150 taon na ang nakalipas, ay bahagi ng three-billion euro transport project sa pinakamalaking lungsod ngTurkey, ang Istanbul.

.. Continue: Balita.net.ph (source)

Blackout sa Turkey sea tunnel

Red Lions, matatag pa rin

Sa gitna ng kanilang kinakaharap na kontrobersiya, nanantiling matatag at inaasahang mas lalo pang magiging malakas sa kanilang darating na pagsabak sa Final Four round ng 89th NCAA men’s basketball tournament ang defending champion San Beda College Red Lions.



Nauna nang nalagay sa alanganin ang kampanya ng Red Lions nang maglabasan ang mga balita na kinasasangkutan ng isa sa kanilang beternaong guard na si Ryusei Koga.

Una nang naiprisinta ang ebidensiya ng isa sa mga miyembrong paaralan ng liga sa NCAA Management Committee na umano’y naglaro umano si Koga sa isang liga noong nakaraang Setyembre habang ongoing ang NCAA.

Dahil sa usapin, may posibilidad na ma-forfeit ang apat na panalo ng Red Lions matapos umano ang paglalaro si Koga sa isang liga at mapatawan ang cager ng tatlong larong suspensiyon.

Magiging susi din ito upang mawala ang taglay nilang twice-to-beat advantage papasok sa Final Four round kung saan nauna na silang pumasok bilang top seed.

Habang sinusulat ang balitang ito ay hinihintay pa ang desisyon ng ManCom hinggil sa kaso.

Ngunit sa halip na manlumo, naniniwala ang coaching staff ng Red Lions, sa pamumuno ni head coach Boyet Fernandez, na mas lalo lang nitong pinatatag ang kanyang team at mas pinag-alab ang paghahangad ng mga itong makamit ang ikaapat na sunod na titulo.

“I believed this motivated them even more to go for the crown,” ayon kay Fernandez.

Maging ang kanyang mga manlalaro ay ganito rin ang naging pahiwatig.

Bukod dito, nagpahayag din sila ng kanilang pagsuporta sa kanilang teammate na si Koga sa gitna ng kinakaharap nitong kontrobersiya.

Kapag nagkataon, bababa ang Red Lions sa No. 4 spot at aakyat naman sa top 3 ang Letran, San Sebastian at University of Perpetual, ayon sa pagkakasunod, tungo sa Final Four round.

Dahil dito, mababaligtad din ang sitwasyon dahil sila ang mangangailangan ng dalawang panalo para makapasok sa kampeonato. – Marivic Awitan

.. Continue: Balita.net.ph (source)

Red Lions, matatag pa rin

Soroptomist may parangal sa kababaihan

MANILA, Philippines - Ang Soroptomist ay isang pandaigdigang orga-nisasyon ng negosyante at professional na mga babae na ang misyon ay maiangat ang pamumuhay .. Continue: Philstar.com (source)

Soroptomist may parangal sa kababaihan

Sigarilyo, banned sa 21-anyos

NEW YORK CITY (AFP)— Bumoto ang New York City noong Miyerkules para ipagbawal ang pagbebenta ng mga sigarilyo, e-cigarettes at tabako sa sinumang nasa edad 21, itinaas ang dating limitasyon sa edad na 18.

Bilang nauna sa ilang taon nang mahigpit na anti-smoking laws, ang lungsod ng 8.5 milyon ang naging pinakamalaking metropolis na nagtakda ng pinakamataas na age limit sa pagbibili ng sigarilyo.



Ang US federal age requirement sa pagbibili ng sigarilyo ay 18, na sa ilang estado ay itinaas sa 19 at sa ilang maliliit na komunidad sa 21. Kaagad na nilagdaan ni Mayor Michael Bloomberg ang batas, sinabing “Tobacco dependence can begin very soon after a young person first tries smoking so it’s critical that we stop young people from smoking before they ever start.”

.. Continue: Balita.net.ph (source)

Sigarilyo, banned sa 21-anyos

Daniel, parang nabilaukang daga ang boses

You don’t need a shooting star to make a wish. All you need is close your eyes and tell God what your heart desires. Good

morning. –09464211222



Masyadong trying hard si Anne Curtis sa pagkanta. Tunog latang walang laman ang boses niya. Labas litid naman at nanlilisik ang mga mata ni Mitoy kapag kumakakanta. Nakakateket! Si Platinum Boy Daniel Padilla parang nabilaukan na daga ang boses. Ewan ko, pero nakakahiyang pakinggan ang bosesniya.-09195202826

Everyone needs to give up when something didn’t change for the better. But everyone needs to change to let giving up never happen again. Good morning! Hi Reader’s Corner. I’m one of your avid readers. As like any other, I’d like to have text friend. I’m looking for a quiet sincere man to be my forever husband, 28 y /0 and up. Cass here. Thanks. -09161193298

Hindi natin kayang maperfect ang mangyayari sa buhay natin, kaya dapat maging handa tayo. May mga taong mahalaga sa atin at kaya sobra-sobra ang pag-iingaat natin sa kanila . Nakatakda pa rin silang mawala sa buhay natin, pero dapat matuto tayong tanggapin ‘yun dahil may mga dahilan kung bakit sila nawawala sa buhay natin. May darating pa kasing mas better. True. -09499379285

.. Continue: Balita.net.ph (source)

Daniel, parang nabilaukang daga ang boses

Heat, naisahan ng Sixers (114-110)

PHILADELPHIA (AP)- Umiskor si Spencer Hawes ng 24 puntos at hinirit ang winning basket sa huling bahagi ng fourth quarter upang pamunuan ang Philadelphia 76ers sa panalo kontra sa Miami Heat, 114-110.

Agad na nagging malakas ang Sixers sa pagsisimula pa lamang ng laro kung saan ay naisagawa nila ang kanilang unang 11 buslo at humarurot pa sa nakalululang 26-4 lead. Ngunit binura ng Heat ang pagka-iwan sa ikatlong quarter at lumabas na kayang kontrolin ang laro sa pamamagitan ni LeBron James.



Itinarak ni Hawes ang 3-pointer at pagkatapos ay driving layup para sa 109-108 lead sa nalalabing 2:01 sa orasan.

Ikinasa pa ni James ang dalawang sunod na tsansa upang dalhin ang Miami sa kalamangan, ngunit kumulapso ang kanyang drive sa kalagitnaan ng korte, bukod pa sa nagmintis ang kanyang 6-footer shot sa sumunod na posesyon.

Naimintis rin ni Shane Battier ang kanyang ikapitong sunod na 3-point attempt kung saan ay inilayo ng Sixers ang kalamangan mula sa kanilang freethrow line.

Nagtala si Michael Carter-Williams ng 22 puntos, 12 assists at itinakda ang unang game record sa NBA na mayroong 9 steals para sa Sixers. Inasinta naman ni Evan Turner ang 26.

Nagsalansan si LeBron James ng 25 puntos at 13 assists habang nagambag si Chris Bosh ng 22 sa Miami. Tinanggap ng Heat ang kanilang NBA championship rings noong Miyerkules ng gabi.

Pinagpahinga si Miami guard Dwyane Wade upang pagalingin ang kanyang sore knees. Sinabi ni coach Erik Spoelstra na gusto niyang ibigay kay Wade ang karagdagang pahinga upang makarekober. Nagposte si Wade ng 13 puntos sa Heat para sa kanilang 107-95 win laban sa Chicago noong Miyerkules.

Sa kasagsagan ng kabuuan ng laro, mas humataw ang Sixers bilang isang koponan na may minamataan para sa kampeonato, hindi ang rebuilding. Sina Allen Iverson, Charles Barkley, Julius Erving at Moses Malone ang ilan sa dating Sixers ang nanood sa opening night.

Ngunit inamin ng Heat na magagamit pa rin nila si Wade. Pumasok si Wade sa kanilang locker room na pawing nakabalot na may yelo ang magkabilang tuhod. Sinabi nito na, ‘’just being smart.’’

‘’It was not pre-planned, it was something our trainers and coaches came to me with,’’ pahayag ni Wade. ‘’It’s early in the season, it’s just a precaution.’’

Sinabi ni James na kailangan ni Wade ang makarekober sa kanyang pinsala hanggang sa kinakailangan nito.

‘’If he needs to take the second game of the season, the 30th game, 50th game, 80th game, that’s the way it is,’’ ayon kay James.

Bago ang laban, ang Heat ang double-digit favorite upang talunin ang Sixers, ngunit inasahan nang magkakaroon ng maliit na problema laban sa isa sa pinakamasamang koponan sa NBA.

Dinominahan ng Sixers ang laro ilang oras ng ihayag ni Iverson ang kanyang pagreretiro, tinapos ang kanyang 14-year career.

Nakapagtala si Carter-Williams ng steal at dunk upang buksan ang laro, nag-dunk si Turner sa harapan ni James, habang tinapik ni Hawes ang bola mula sa layup para sa 19-0 run. Nakuha rin ni James ang isang buslo sa natitirang 7:07 sa orasan sa unang quarter upang tapusin ng Miami ang pagkauhaw sa iskor.

Angat pa ang Sixers sa 29-11 kahit pa ang lineup ay kinabibilangan nina Tony Wroten, Lavoy Allen at Daniel Orton sa korte.

Subalit ang Heat ay Heat, ikinasa ang 14-0 run sa second quarter upang ilapit ang iskor sa 51-49 sa halftime.

Humirit si James ng tres na nagdala sa Heat sa one-point game deficit, habang ang inside layup ni Udonis Haslem ang nagbigay sa Heat ng kanilang unang kalamangan sa laro, 60-59. Inasinta ni Ray Allen ang lahat ng apat na 3-pointers sa nasabing quarter, tinipa ni James ang tatlo kung saan ay naitala ng Heat ang napakinit na 10-of-13 mula sa 3-point range sa third quarter. Tumapos sila sa 16-of-22 (73 percent) mula sa kabuuan ng sahig at napalawak ang kalamangan sa 94-85. Ngunit naimintis ng Heat ang 10 sunod sa field goals sa fourth quarter.

Subalit tila si MCW ang tinanghal na MVP sa fourth-quarter para sa Sixers. Hinadlangan nito si James sa linya at tila sadyang kinapos mula sa free-throw line.

PASAKALYE: Hindi dumating ang Heat sa Philadelphia matapos hanggang alas-3:00 ng medaling araw. … Si Brown ay naging assistant para sa Spurs noong nakaraang taon. Sinabi nito na patuloy na dinaramdam niya ang pagkulapso ng San Antonio laban sa Heat sa NBA finals. … Nanood sa laro sina Patti LaBelle at rapper Meek Mill. Dumalo rin si Eagles wide receiver DeSean Jackson at Villanova coach Jay Wright sa laro. … Ang iba pang dating Sixers ang namataan sa korte, kasama na si 1983 championship coach Billy Cunningham, Bobby Jones at World B. Free. … Ireretiro ng Sixers ang No. 3 jersey ni Iverson sa Marso 1.

.. Continue: Balita.net.ph (source)

Heat, naisahan ng Sixers (114-110)

Hindi rin kami magnanakaw! Depensa nina Jinggoy, Bong

MANILA, Philippines - Magkahiwalay na si­nabi kahapon nina Se­nators Jinggoy Estrada at Bong Revilla na hindi rin sila magnanakaw. .. Continue: Philstar.com (source)

Hindi rin kami magnanakaw! Depensa nina Jinggoy, Bong

Triplets, quadruplets, aayudahan ng gobyerno

Dapat suportahan ng gobyerno ang mga magulang na nagsilang ng triplets, quadruplets at iba pang multiple births upang makatulong sa pagpapalaki sa maraming anak.

Ito ang iminungkahi nina Bayan Muna Reps. Neri Colmenares at Carlos Isagani Zarate, binigyang diin na ang mga anak na bunga ng multiple births ay hindi lamang nangangailangan ng espesyal na pangangalaga kundi dagdag na gastos sa mga magulang.



“Children of multiple births also means additional financial burden to the parents, doubling or tripling the expenses for every child as they grow older, and more so if they have disabilities,” ayon kay Colmenares.

Sinabi naman ni Zarate na bagamat masaya at handa ang mga ina na nagkaroon ng multiple pregnancies, umiiral ang pangamba kung papaano sila susuportahan at susustinihan.

“Corollary to that is the high expenses with extended hospital confinement and frequent hospital visits during the prenatal, delivery and postnatal check-ups including hospital obstetrical care –ultrasound scan, hospital visits, in-patient stay, delivery and postnatal care including admittance of the multiple-birth babies to Neonatal Intensive Care Unit (NICU) after birth,” ani Zarate. – Bert de Guzman

.. Continue: Balita.net.ph (source)

Triplets, quadruplets, aayudahan ng gobyerno

Golovkin, pinapaboran si Pacquiao vs Rios

Naniniwala ang sumisikat na si WBA middleweight champion Gennady Golovkin ng Kazakhstan na malaki ang pagkakataon ng Amerikanong si Brandon Rios na ma-upset si Pambansang Kamao Manny Pacquiao ngunit mas paborito niyang manalo ang Pinoy boxer sa sobrang bilis nito.



Sa panayam ni Chris Robinson ng Hustle Boss, iginiit ni Golovkin bagong pasok sa Top 10 ng pound-for-pound rankings ng Ring Magazine, na angat si Pacquiao kay Rios pagdating sa kalidad ng mga kalaban.

“It’s a different style and a different class,” pahayag ni Golovki. “Manny, for me, he’s number one. He’s first-class.”

“With his aggressive style, certain insiders believe Rios is tailor-made for Pacquiao due to the movement, speed, and combination-punching that the southpaw from General Santos City, Philippines possesses.”

Naniniwala rin ang boksingero, nakatakdang idepensa ang korona laban sa Amerikanong si Curtis Stevens sa Nobyembre 2 sa United States, na posibleng matulad si Rios sa dating ka-stable nito na si Antonio Margarito na binugbog nang husto ni Pacquiao.

“I think [it’s] the same fight,” giit pa ni Golovkin. “It’s the same style. Brandon, he’s a good fighter but he doesn’t have speed like Manny. [Pacquiao] is much better at moving and his speed is much better.”

“For Brandon it’s a big problem, the speed.” Ngunit hindi matiyak ni Golovkin nang tanungin kung nakarekober na ang Pilipino sa pagkatalo sa 6th round knockout kay Mexican Juan Manuel Marquez.

“I don’t know,” sabi ni Golovkin. “Seriously, I don’t know.”

Gayunman, idinagdag ni Golovkin na nakabase ngayon sa Germany na may bahagyang pag-asa si Rios na manalo kay Pacquiao.

“I respect Brandon, Brandon is a brave fighter. Brandon has a big chance,” dagdag ni Golovkin. “He’s a good fighter. Strong punch, good coach. He’s a great fighter [against] anybody.” – Gilbert Espeña

.. Continue: Balita.net.ph (source)

Golovkin, pinapaboran si Pacquiao vs Rios

Isabelle at Mikael, bida sa ‘Wagas’

Ni Nora Calderon

IHAHATID ng weekend romantic program ng GMA News TV na Wagas ngayong Araw ng mga Kaluluwa ang isang kuwento ng tunay na pag-ibig na hanggang kamatayan.



Hindi pa sumasapit sa harap ng altar sina Annalyn at Ronnick nang nagkaroon ng wakas ang kanilang pagsasama. Isang araw bago ganapin ang kanilang pinakahihintay na kasal, naaksidente at pumanaw si Ronnick. Pero labis ang pagmamahal ni Annalyn kay Ronnick, kaya labag man sa kagustuhan ng marami ay itinuloy ng dalaga ang pagpapakasal sa nobyo kahit ito ay nakahimlay na sa kabaong.

Tampok sina Isabelle Daza at Mikael Daez, panoorin ang totoong kuwento ng wagas na pag-ibig na naging laman ng mga balita noong 2012, at unawain ang kakaibang kahulugan ng pag-ibig hanggang kamatayam.

Huwag palampasin ang nakaaantig na kuwentong Pag-ibig Hanggang Kamatayan ngayong Sabado, 7:00 PM, sa Wagas, sa GMA News TV.

.. Continue: Balita.net.ph (source)

Isabelle at Mikael, bida sa ‘Wagas’

Pag 7:214 ● Slm 24 ● 1 Jn 3:13 ● Mt 5:112a

Nang makita ni Jesus ang makapal na tao, umahon siya sa bundok. Naupo siya roon at lumapit sa kanya ang mga ala gad. At nagsimula siyang magturo sa kanila:“Mapapalad ang mga may diwa ng dukha sapagkat sa kanila ang Kaharian ng Langit. Mapapalad ang mga nagluluksa sa pagkat pagiginhawahin sila. Mapapalad ang mga di marahas sa pagkat mapapasakanila ang lupain. Mapapalad ang mga nagugutom at nauuhaw sa katarungan sapagkat bubusugin sila. Mapapalad ang mga maawain sa pagkat kaaawaan sila. Mapapalad ang mga may busilak na puso sapagkat makikita nila ang Diyos.”

PAGSASADIWA

At nagsimula siyang magturo sa kanila. – Malaking bahagi ng misyon ni Jesus ang pagtuturo. Sa ating kapanahunan, masasabi natin na marami sa ating mga nakikita at naririnig ay may kaakibat na pagtuturo. Sa mga karanasan ng tao, sa mga kuwento ng buhay, sa mga awiting naririnig, sa mga teleseryeng napapanood, at marami pang iba. Malaking hamon sa atin na alamin kung sino at alin ang tama ayon sa aral ng Panginoong Jesucristo. Sapagkat sa mga natutuhan natin nakasalalay ang ating tunay na kinabukasan. Sa pagdiriwang natin ngayon ng Dakilang Kapistahan ng mga Banal, ipinaaalala sa atin silang mga nakapakinig at nagsabuhay ng mga aral ni Kristo na nagsabing mapapalad ang mga may diwa ng dukha sapagkat sa kanila ang Kaharian ng Langit.

.. Continue: Balita.net.ph (source)

Pag 7:214 ● Slm 24 ● 1 Jn 3:13 ● Mt 5:112a

Legalidad ng DAP nasa SC hindi sa opinyon ni PNoy

MANILA, Philippines - Ang Supreme Court lamang ang maaring mag­pasya tungkol sa legalidad ng Disbursement Accele­ration Program (DAP) at hindi si Pangulong A .. Continue: Philstar.com (source)

Legalidad ng DAP nasa SC hindi sa opinyon ni PNoy

PNoy nag-ikot sa mga terminal

MANILA, Philippines - Nag-ikot kahapon si Pangulong Aquino sa mga terminal upang masiguro ang seguridad ng taumbayan lalo ang uuwi sa kanilang mga probinsya .. Continue: Philstar.com (source)

PNoy nag-ikot sa mga terminal

Mga residente sa Bohol pinalilikas dahil sa sinkhole

MANILA, Philippines - Pinapalikas na ang halos 200 residente ng Tag­bilaran City dahil sa peligro kasunod ng pag­kakadiskubre ng da­la­wang malalaking sink­h .. Continue: Philstar.com (source)

Mga residente sa Bohol pinalilikas dahil sa sinkhole

Ex-CJ Narvasa pumanaw na

MANILA, Philippines - Pumanaw na kahapon ang dating Supreme Court chief justice na si Andres R. Narvasa. .. Continue: Philstar.com (source)

Ex-CJ Narvasa pumanaw na

Huling biyahe ng LRT 1 mas maaga ngayong Undas

MANILA, Philippines - Maagang tatapusin ng Light Rail Transit (LRT) Line 1 ang huling biyahe nito ngayong Undas. .. Continue: Philstar.com (source)

Huling biyahe ng LRT 1 mas maaga ngayong Undas

NDRRMC umalerto kay ‘Vinta’

MANILA, Philippines - Umalerto na kahapon ang National Disaster Risk Reduction and Ma­nagement Council at AFP-Northern Luzon Com­mand dahil sa epekto ng bagy .. Continue: Philstar.com (source)

NDRRMC umalerto kay ‘Vinta’

Nagmamaneho ng nakainom target ng MMDA

MANILA, Philippines - Pinaalalahanan ng Metropolitan Manila Development Authority (MMDA) ang mga bus operators sa pagbabantay sa kanilang mga tsuper laban sa .. Continue: Philstar.com (source)

Nagmamaneho ng nakainom target ng MMDA

PNP, hindi uubrang BETs

Kontra ang pamunuan ang Philippine National Police (PNP) na kunin bilang Board of Election Tellers (BETs) tuwing halalan ang kanilang mga tauhan gaya ng nangyari nitong barangay elections.

Sinabi ni PNP Deputy Director General for Operations Felipe Rojas na kung palagi na lamang gagamitin ang mga pulis bilang BETs ay masasakripisyo ang kabuuang serbisyo nila.



Aniya, mas mabuting nakasentro lamang sa pagpapanatili sa seguridad sa eleksyon ang trabaho ng pulisya.

Ipinaliwanag ng opisyal, na kahit tatanggap ng honorarium ang mga pulis na nagsilbing BET nitong barangay elections ay ‘di hamak na mas malaki pa rin ang sariling gastos sa pagpapadala sa kanila sa mga probinsya sa Mindanao bilang kapalit ng mga gurong ayaw magsilbi bilang BET.

Sa report ni Police Director Lina Sarmiento ng police community relations group, may1,649 na pulis ang nagsilbing BET sa halalang pambarangay. Mahigit 700 sa mga ito ay mula sa NCRPO at Region 4A na bumiyahe ng tatlong araw sakay ng bus bago nakarating sa lalawigan ng Maguindanao para magsilbing BET. – Fer Taboy

.. Continue: Balita.net.ph (source)

PNP, hindi uubrang BETs

PNoy, walang balak bitawan ang DAP

Ni Ellson A. Quismorio

Wala umanong balak si Pangulong Benigno S. Aquino III bitawan ang kontrobersyal na Disbursement Acceleration Program (DAP) base sa kanyang binitawang pahayag sa telebisyon noong Miyerkules ng gabi.

Sinbai ni Anakapawis Rep. Fernando Hicap na ipinagtanggol lamang ni Aquino ang kanyang paggamit ng DAP habang iginigiit ng Pangulo na hindi ito “pork barrel” tulad ng Priority Development Assistance Fund (PDAF), na umano’y ugat ng bilyong-bilyong pisong anomaly sa pamahalaan.



“The president clearly conveyed the message that he will never give up the presidential pork,” sinabi ni Hicap na kabilang sa Makabayan block, isang grupo ng mga militante sa Mababang Kapulungan.

“While he obviously expressed annoyance with the ‘Pork Barrel King’ tag linked to him, he staunchly defended DAP and presidential pork. Kulang na lang sabihin ng Pangulo na may utang na loob sa kanya ang taumbayan at dapat pang ipagpasalamat na ipinatupad niya ang DAP,” sinabi ni Hicap.

Ani mambabatas, hindi lamang korapsiyon sa DAP at PDAF ang kanilang ikinababahala subalit ang discretionary power ng Pangulo na gumamit ng milyung-milyong pisong halaga ng pondo.

“If it was for damage control or to get back at his political opponents, the President’s address will not erase the prevailing public opinion that corruption persisted under his presidency,” pahayag ng partylist solon..

“Aquino’s recent statements will further incense people’s actions to demand the abolition of the entire pork barrel system, including the presidential pork,” dagdag niya.

.. Continue: Balita.net.ph (source)

PNoy, walang balak bitawan ang DAP

Hulascope – November 1, 2013

ARIES [Mar 21 – Apr 19]

Mare-realize mo na ang bawat araw ay nagbibigay sa iyo ng bagong chance. Makaka-move on ka at magiging happy.

TAURUS [Apr 20 – May 20]

When you lose someone you love, mahirap talagang magtiwala sa iba. Without this experience, hindi ka matututo sa buhay.



GEMINI [May 21 – Jun 21]

Lahat ng kalungkutan na mae-experience mo today will be like stepping stones for a better tomorrow.

CANCER [Jun 22 – Jul 22]

Maaalala mo today ang happy times na kapiling pa ninyo ang loved one na nagpaalam na. Malamang na gagamit ka ng tissue.

LEO [Jul 23 – Aug 22]

Iwasang isipin ang degree ng pagkawala ng loved one. Just hope na may maganda pang bukas para sa mga naiwan.

VIRGO [Aug 23 – Sep 22]

This is not the day para pagsisihan ang mga hindi nasabi sa isang dearly departed. Express your love and appreciation sa mga nabubuhay pa.

LIBRA [Sep 23 – Oct 22]

Happiness is best achieved kung na-experience mo na ang matinding pighati.

SCORPIO [Oct 23 – Nov 21]

Today is also a celebration of life. Kaya instead na bilangin ang iyong sorrows, count your blessings.

SAGITTARIUS [Nov 22 – Dec 21]

Masyadong maigsi ang buhay para lumublob sa kalungkutan. Palayain mo ang iyong sarili and follow your heart’s desire.

CAPRICORN [Dec 22 – Jan 19]

Laughing faces do not mean na wala silang nararamdamang kalungkutan. Better na burahin ang negativity sa isip today.

AQUARIUS [Jan 20 – Feb 18]

Mare-realize mo ang value ng araw na ito. If you have sorrow sa puso mo, show it.

PISCES [Feb 19 – Mar 20]

Life is not permanent kaya huwag aksayahin ang araw na ito sa pagsisisi. Move on.

.. Continue: Balita.net.ph (source)

Hulascope – November 1, 2013

Mount Rushmore

Oktubre 31, 1941, nakumpleto at handa na para sa dedication ang Mount Rushmore. Kilala rin bilang “President’s Mountain,” ang Mount Rushmore ay matatagpuan sa Black Hills, South Dakota. Nais ng nagpasimuno ng proyekto na si Doane Robinson na mas maraming tao ang bumisita sa South Dakota.



Isinangguni ito ni Robinson sa noo’y US President Calvin Coolidge, Sen. Peter Norbeck, at Rep. William Williamson, at John Boland para makakuha ng suporta ang proyekto. Inistablisa ng Congress ang Mount Rushmore National Memorial Commission, at nagkasundo na maglaan ng hanggang $250,000 pondo para sa proyekto. Noong 1933, humalili sa proyekto ang National Park Service.

Ang apat na US president ay sina George Washington, Thomas Jefferson, Theodore Roosevelt, at Abraham Lincoln. Inabot ng 14 na taon bago nakumpleto ang mga iskultura at ginastusan ng $989,992.32. Walang iniulat na nasawi habang ginagawa ng proyekto.

Ang orihinal na istruktura ni Thomas Jefferson ay binomba at muling binuo sa kabilang bahagi ng bundok. – Monch Mikko E. Misagal/MB Research

.. Continue: Balita.net.ph (source)

Mount Rushmore

Mga bata sa Bulacan, nagbihis santo at anghel imbes na mga katatakutan

Sa halip na mga nakakatakot na costume, mga kasuotan na tila santo at anghel ang ipinarada ng mga bata sa Sta. Maria, Bulacan kaugnay ng pagdiriwang ng Undas. .. Continue: GMANetwork.com (source)

Mga bata sa Bulacan, nagbihis santo at anghel imbes na mga katatakutan

Lalaki patay, 9 sugatan sa aksidente

CONCEPCION, Tarlac – Sinawing-palad na mamatay ang isang 59-anyos na pasahero ng Toyota Revo, na nawala sa kontrol at sumadsad sa malalim na kanal, na ikinasugat ng siyam na iba pa sa SCTEX Road sa Barangay Parang, Concepcion, Tarlac, gabi noong Oktubre 27.



Ayon kay PO3 Eduardo Sapasap, nasawi si Romeo Quilondrino, ng Bgy. Sto. Niño, Meycauayan, Bulacan, samantala ginamot sa Tarlac Provincial Hospital sina Tirso Quilondrino, 44, driver ng Toyota Revo (WTA-651); Bryan, 31; Leonard, 3; Felomena Devosura; Conrado, 62; Lucia, 61; Ivan 11; Nacio Quilondrino; at Nenita Gonzales, 66, pawang ng Meycauayan, Bulacan. – Leandro Alborote

.. Continue: Balita.net.ph (source)

Lalaki patay, 9 sugatan sa aksidente

Primetime speech ni PNoy, sapul o sablay?

Naniniwala ang Malacañang na positibo ang naging resulta ng ginawang talumpati ni Pangulong Benigno Aquino III nitong Miyerkules na ipinalabas sa primetime television. Pero para sa mga kritiko ng pork barrel funds, naniniwala silang sablay ang paliwanag ng Punong Ehekutibo. .. Continue: GMANetwork.com (source)

Primetime speech ni PNoy, sapul o sablay?

7 arestado sa hashish den

LA TRINIDAD, Benguet – Bumagsak sa kamay ng Philippine Drug Enforcement Agency (PDEA)-Cordillera ang sinasabing mga sindikato ng ilegal na droga sa Sagada, Mountain Province, matapos ang matagumpay na pagsalakay kamakailan sa mga hashish den dito.



Nabatid kay PDEA Regional Director Ronald Allan DG Ricardo na pitong katao, kabilang ang dalawang may-ari ng drug den, ang nadakip sa bisa ng search operation sa magkahiwalay na lugar sa mga barangay ng Poblacion at Dagdag sa Sagada, Mountain Province.

Arestado sina Bugnosen Kimmayong Dogaw, 38, at Vincent Navarro, kapwa may-ari ng drug den; at sina Shayne Alarilla Gloria, 30; Jayvee Wailan Dalignoc, 21; Hansel Wacnang Baglinit; at John Paul Eyabang Salabao, 18 anyos. – Rizaldy Comanda

.. Continue: Balita.net.ph (source)

7 arestado sa hashish den

Ortiz named World Series MVP

DAVID ORTIZ walked off as the World Series MVP on Wednesday night as he powered the Boston Red Sox over St. Louis Cardinals.

Ortiz hoisted reliever Koji Uehara over his shoulder after the final out of a 6-1 win, then Big Papi raised the gleaming gold trophy in his crowning achievement.

“I know I’m one of the forces for this ballgame and I like to take things personal,’” he said. “And that’s been my whole career, a challenge.”

Ortiz hit 11 for 16 (.688) with two home runs and six RBIs against the Cardinals, and just missed a grand slam when Carlos Beltran robbed him by reaching over the short bullpen wall.

Now a three-time champion, Ortiz is the last link to the Red Sox team that swept the Cardinals in 2004 and ended an 86-year title drought. Noli Cruz

The post Ortiz named World Series MVP appeared first on Remate.

.. Continue: Remate.ph (source)

Ortiz named World Series MVP

Walang love life, nagputol ng ari

HULI na ang naging pagsisisi ng isang lalaki nang putulin niya ang kanyang sariling ari dahil sa labis na depresyon sa China.

Lumalabas sa report na dahil sa labis na kalungkutan ni Yang Hu, 26, ng Jiaxing province, dahil sa kawalan ng girlfriend ay pinutol niya ang kanyang sariling ari.

Pero makalipas ang ilang sandali ay nagdalawang isip si Yang at nagdesisyong ibalik ang naputol na manoy.

Pero pagdating sa ospital ay inamin sa kanya ng mga doktor na hindi na maidudugtong ang kanyang ari dahil sa dami ng dugong nawala sa biktima.

Nabatid na sa edad na 26 ay hindi pa nakararanas na magkaroon ng karelasyon ang binata dahilan para maging malungkutin ito at mailap sa kababaihan.

The post Walang love life, nagputol ng ari appeared first on Remate.

.. Continue: Remate.ph (source)

Walang love life, nagputol ng ari

‘Vinta’ nananalasa na sa Cagayan

KASALUKUYANG nananalasa na sa Cagayan ang bagyong Vinta ngayon.

Huling namataan ang bagyo sa layong 110 km silangan timog silangan ng Aparri, Cagayan taglay ang lakas ng hangin na 130 kph at pagbugsong 160 kph.

Idineklara namang nasa signal No.3 ang Cagayan, Calayan, Babuyan Group of Islands, Apayao at Ilocos Norte.

Signal No. 2 naman sa Batanes Group of Islands, Abra, Kalinga, Ilocos Sur, Mt. Province at Isabela habang signal No. 1 naman sa La Union, Benguet, Ifugao, Nueva Vizcaya, Quirino, Aurora at Pangasinan.

The post ‘Vinta’ nananalasa na sa Cagayan appeared first on Remate.

.. Continue: Remate.ph (source)

‘Vinta’ nananalasa na sa Cagayan

Red Sox clinch WS title at home

THE Boston Red Sox capped their remarkable turnaround from worst to best by beating the St. Louis Cardinals, 6-1, in Game 6 of the World Series on Wednesday night at Fenway Park.

It was their third World Series triumph in 10 seasons.

Also, for the first time since Babe Ruth’s team back in 1918, Boston clinched the title at Fenway. The 101-year-old stadium, oldest in the majors, was packed with 38,447 singing, shouting fans anticipating a party building for more than nine decades.

“Maybe they won’t have to go another 95 years,” said John Farrell, a champion in his first season as Boston’s manager.

Shane Victorino, symbolic of these resilient Sox, returned from a stiff back and got Boston rolling with a three-run double off the Green Monster against rookie sensation Michael Wacha. Pumped with emotion, Victorino pounded his chest with both fists three times.

John Lackey became the first pitcher to start and win a Series clincher for two different teams, allowing one run over 6 2-3 innings 11 years after his Game 7 victory as an Angels rookie in 2002. Noli Cruz

The post Red Sox clinch WS title at home appeared first on Remate.

.. Continue: Remate.ph (source)

Red Sox clinch WS title at home

100 sinkholes sa Bohol nakita

MAY 100 sinkholes ang natuklasan ng Mines and Geosciences Bureau (MGB), matapos ang 7.2 magnitude na lindol sa Bohol noong Oktubre 15, 2013.

Sinasabing madadagdagan pa ito dahil tuloy-tuloy ang pag-aaral ng MGB sa mga naapektuhan ng lindol at aftershcoks.

Sa kabila nito, ligtas pa rin namang puntahan ang Bohol, maliban sa mga lugar na kanilang itinala na danger zone.

The post 100 sinkholes sa Bohol nakita appeared first on Remate.

.. Continue: Remate.ph (source)

100 sinkholes sa Bohol nakita

Shopping tips

ISANG buwan na lang, Pasko na naman!

At bahagi ng okasyong ito ang tradisyon ng Pilipino na maghanda ng kahit anong munting regalo para sa mga mahal sa buhay, bukod sa pagmamahal siyempre.

Kaya kung ikaw ang isa sa pinakamaraming mamimili na ‘rush’ na ‘ika nga ang pagsa-shopping ngayong Pasko, narito ang ilang shopping tips na makatutulong sa inyo.

Maglista

Ilista na ang pangalan ng iyong mga pagbibigyan. Be specific, ilista kung babae ba o lalaki at ilang taon, para kapag nandoon ka na sa target shopping mall, ‘di ka na matatagalan sa pag-iisip kung anong regalo ang babagay o magugustuhan ng iyong pagbibigyan.

Pumili ng shopping mall

Kung ‘di naman kalakihan ang budget mo, huwag nang magmagandang pumunta sa mall na alam mong mahal ang mga produkto. Anyway, wala naman sa mahal o mura ng regalo ang mahalaga diba? It’s the thought that counts ‘ika nga.

Kaya mainam kung puntahan ang shopping mall na alam mong kakayanin ng iyong budget ang target na regalong bibilhin. Maging ‘wise’ na rin sa pagpili ng regalo, piliin ang talagang pakikinabangan.

Alamin ang kalidad

Alam n’yo bang maraming fashion guru ang nagsasabing ang mga materyal na bagay ay walang silbi kung hindi naman nabibigyan ng buhay?

Ibig sabihin, kung ang taong pagbibigyan ng regalo ay hindi naman mahilig sa mga kagamitan na pang-arte, bakit siya bibigyan ng katulad nito kung hindi naman ito masisiyahan at ‘di rin mabibigyan ng buhay?

Well, mas simple, mas ‘the best!’ Malay mo, Christmas card lang mas maa-appreciate pa ng pagbibigyan ng regalo.

Maging creative

Sa pagbabalot pa lang ng regalo ay marami ng creative ways. Minsan, kahit na anong pangit ng regalo na ibibigay kaninuman ay nadadagdagan ng ganda sa pamamagitan ng balot pa lang. And take note, hindi n’yo kailangang bumili ng mamahaling gift wrapper para lang mapaganda ito.

May mga ribbon na nagkakahalaga ng P2/per yard na kapag inilagay na sa regalo ay nagmumukhang mamahalin. Ang pambalot naman ay nabibili lang ng 3 pieces for P10.00 kaya afford mong mas mabigyan ng magandang disenyo ang pagbabalot ng ireregalo.

Ooppss, huwag kakalimutang maglagay ng note card na mabibili ng piso isa, saka sulatan ng special message na mas magpapasaya sa taong pagbibigyan ng gift.

And last, tandaan sana na ang araw ng Pasko ay hindi lamang para gumastos at magpalitan ng materyal na bagay. Mas magiging masaya ang okasyong ito kung ibabahagi hindi lamang sa mga mahal sa buhay ang inyong pagmamahal kundi maging ang hangaring makapagpasaya ng kapwa on own your little way.

The post Shopping tips appeared first on Remate.

.. Continue: Remate.ph (source)

Shopping tips

INAY, BABAYARAN KITA! (Ika-21 labas)

Kinabukasan, gulat na gulat si Manny dahil si Albert ang nagyayang magmeryenda matapos ang

kanilang klase. At hindi pangkaraniwang meryenda ang gusto ng matalik niyang kaibigan dahil

nagyaya sa fastfood kung saan sila madalas magmeryenda na siya ang gumagastos.

Bagama’t nagtataka, pinagbigyan ni Manny ang gustong mangyari ng matalik na kaibigan.

Nadagdagan ang kanyang pagtataka dahil hindi rin pangkaraniwang meryenda ang inorder ni

Albert kaya’t hindi napigilan ni Manny na mag-usisa. Ibig niyang malaman kung saan nagmula

ang perang gagastusin ng kaibigang wala pang trabaho at tulad niya, hindi pa nakakatapos ng

pag-aaral.

“Talaga bang nasa sarili ka?” Tanong ni Manny habang naghihintay sila sa pagdating ng order sa

isang mesang nasa sulok ng paborito nilang fastfood.

“Oo naman. . .” Mabilis na sagot ni Albert. “Anong akala mo sa akin, magtatawas o ispiritista na

sinasapian at nawawala sa sarili!”

“Hindi naman. . .” Sagot ni Manny. “Kaya lang talagang nagtataka ako dahil parang paldung-paldo ang dating mo ngayon!”

“Ikaw ang dahilan kung bakit nagkaroon ako ng kaunting biyaya sa buhay!” Sagot ni Albert na dinukot ang wallet at binayaran ang meryendang inihatid ng waitress sa kanilang mesa.

“Hindi kita maintindihan!” Nagkakamot sa ulong wika ni Manny.

“Simple lang, tol. . .” Paliwanag ni Albert. “Pinahiram ako ng pera ni Mona!”

“Ibig mong sabihin, kayo na?” May bahid pagtatakang tanong ni Manny na diretsong nakatingin sa mata ng matalik na kaibigan.

Hindi sumagot si Albert sa tanong ng matalik na kaibigan. Sa halip, namutawi lang sa labi ang isang matamis, makahulugan at mahiwagang ngiti. Dahil matagal ng magkakilala at matalik na magkaibigan, kaagad natiyak ni Manny ang kahulugan ng kasagutan ni Albert.

Positibo ang sagot nito sa kaniyang tanong. Pagpapahayag na may relasyon na ang matalik na

kaibigan at biyudang dati niyang karelasyon. Dahil nakakuha siya ng batang karelasyon,

gumawa siya ng paraan upang matapos ang kanilang ugnayan sa pamamagitan ng pagpapakilala sa matalik na kaibigan. Hindi naman siya nabigo sa gustong mangyari, dahil nagkaroon ng relasyon ang dalawang pinagkuros niya ang landas sa isang fastfood.

“At ang perang ito, bigay sa ‘yo?” Dagdag na tanong ni Manny. “Tama ba ako?”

“Hindi bigay, ipinahiram!” Sagot ni Albert. “Bayaran ko na lamang daw kapag nakaluwag!”

“Tol, sabi lang niya ‘yon, para ka namang bago ng bago sa mga babae!” Natatawang wika ni Albert. “Ibang bayad ang gusto nila. Alam mo na ‘yon o baka nga nangyari na!”

“Tama ba ako?” Muli, seryosong tanong niya sa kaibigang matalik.

“Hindi ka nagkakamali!” Sagot ni Albert na hindi inilihim sa matalik na kaibigan ang naganap sa kanila ng biyudang dati nitong karelasyon.

“Dapat mo nga akong iblow-out. Sige kain na tayo, nagugutom na ako!” Wika ni Manny na simulang kainin ang meryendang nasa kanilang harapan. Itutuloy

The post INAY, BABAYARAN KITA! (Ika-21 labas) appeared first on Remate.

.. Continue: Remate.ph (source)

INAY, BABAYARAN KITA! (Ika-21 labas)

SC nagpalabas ng writ of kalikasan sa binansagang 'killer' dam ng Iloilo

Nagpalabas ng writ of kalikasan ang mga mahistrado ng Korte Suprema laban sa tinaguriang "killer dam" project sa lalawigan ng Iloilo na sinasabing magdudulot ng peligrong sa may 17,000 residente na nakatira sa paligid ng proyekto. .. Continue: GMANetwork.com (source)

SC nagpalabas ng writ of kalikasan sa binansagang 'killer' dam ng Iloilo

Climate change, ramdam sa Mindanao

ISULAN, Sultan Kudarat – Nangangamba ang matatandang residente sa Koronadal City at maging ang nasa karatig na mga barangay sa Tantangan, South Cotabato, dahil ngayon lamang nila naranasan ang baha sa kanilang lugar na ang rumaragasang tubig ay nagmula sa bundok.



Anila, malinaw na nangangahulugan ito ng pag-abuso sa kabundukan, sa bahaging nag-uugnay sa lalawigan sa Sultan Kudarat sa pamamagitan ng Mount Daguma.

Sa panayam, sinabi ni Jerry Dalauta ng Sultan Kudarat Provincial Environment and Natural Resources Office (PENRO) na higit siyang naniniwala na dahil ito sa climate change, inaming inaabuso ng ilan ang likas yaman sa nasabing bahagi ng lalawigan. – Leo P. Diaz

.. Continue: Balita.net.ph (source)

Climate change, ramdam sa Mindanao

KUMPISKADO!

IBA’T IBANG uri ng patalim ang nakumpiska ng pulisya sa kanilang isinagawang mahigpit na seguridad sa Manila South Cemetery makaraang tangkang ipasok ng mga dadalaw sa puntod ng kanilang namayapang mahal sa buhay.

The post KUMPISKADO! appeared first on Remate.

.. Continue: Remate.ph (source)

KUMPISKADO!

MATATABA, INGAT

Maraming Pinoy ang matataba ngayon bunsod ng pagkain ng junk foods. Batay sa rekord ng World Health Organization, patuloy sa pagdami ang bilang ng matatabang tao ngayon. May 2.8 milyon daw ang nangamamatay (hindi nasasawi) dahil sa katabaan o obesity!



Dahil dito, isang mambabatas ang nagpanukala sa paglikha ng isang Healthy Lifestyle Office upang imulat sa mga Pilipino, kabilang ang mga empleado na laging nakaupo, ang panganib na dulot ng pagiging mataba o obese. Layunin ng panukala na makapag-plano, maka-develop at makapagpatupad ng pambansang programa na magsusulong at susuporta sa mga aktibidad upang mapagtuunan ng pansin ng mga Pinoy ang kahalagahan ng malulusog na pangangatawan!

Mga kababayang matataba, konting kain na lang at saganang exercise!

Mapapalad pa rin ang mga kababaihan sa Pilipinas kumpara sa ibang bansa, tulad ng Saudi Arabia. Sa Pinas, malaya ang mga Pinay na kumuha ng driver’s license para makapagmaneho. Sa Riyadh, isang conservative Saudi Arabian cleric ang nagsabi na masama sa babae roon ang magmaneho dahil napipinsala raw ang kanilang obaryo. Hindi raw makapag-aanak. Eh, kung totoo na masama ang pagmamaneho, bakit kayraming anak ang mga Pinay na nagmamaneho?

Sa Saudi Arabia, tanging ang lalaki ang binibigyan ng driver’s license sa “male-only-driving rules”. Sa Pinas, bukod sa puwedeng magmaneho ang babae, siya pa rin ang pinag-iintregahan ng suweldo ng lalaki tuwing akinse at katapusan ng buwan.

Kaypapalad ng mga Pinay, di ba, Atty. Dong Badminton at Tata Clemen Bautista?

.. Continue: Balita.net.ph (source)

MATATABA, INGAT

13 lugar sa Luzon, apektado kay ‘Vinta’

Itinaas na sa public storm warning Signal No. 1 ang 13 na lalawigan sa Northern Luzon bunsod ng bagyong “Vinta.”

Sa weather bulletin ng Philippine Atmospheric, Geophysical and Astronomical Services Administration (PAGASA), kabilang sa isinailalim sa Signal No. 1 ang Cagayan, Calayan Group of Island, Babuyan Group of Island, Apayao, Kalinga, Mt. Province, Benguet, Ifugao, Isabela, Aurora, Nueva Vizcaya, Quirino at Nueva Ecija.



Ayon sa PAGASA, patuloy na lumalakas ang bagyo habang papalapit ng bahagi ng Isabela-Cagayan area.

Taglay ni “Vinta” ang hangin na may lakas na 75 kilometro kada oras at bugsong 90 kilometro bawat oras.

Ang bagyo ay huling namatan sa layong 700 kilometro Silangan ng Casiguran, Aurora at kumikilos pa-Kanluran sa bilis na 22 kilometro kada oras.

Nagbabala rin ang PAGASA sa mga residente sa nasabing mga lugar sa posibleng pagguho ng lupa at pagbaha. – Rommel P. Tabbad

.. Continue: Balita.net.ph (source)

13 lugar sa Luzon, apektado kay ‘Vinta’

Christina Ricci, ikinasal

IKINASAL na si Christina Ricci at ang nobyong si James Heerdegen noong Oktubre 26. Nakumpirma ang balitang ito ng Us Weekly. Ang dalawa at nagsumpaan sa Upper East Side sa New York City.



Ang newlyweds ay binati ng kanilang malalapit na kapamilya at mga kaibigan, sa intimate nuptials na nagsimula 7 p.m. EST sa Harold Pratt House and Peterson Hall. Nakasuot ang blushing new bride ng Givenchy Haute Couture high neck dress na may white beaded long sleeves at mahabang train.

Pagkatapos ng seremonya, nagsaya ang mga bisita sa cocktail hour, dinner, dessert at sayawan. Mayroon ding candy table na may mga bag na puno ng special treats na mismong si Christina ang bumili mula sa Economy Candy sa Lower East Side, para sa mga may sweet tooth.

Eksklusibong pinaputok ng Us ang balita noong Pebero na si Cristina, 33, at Heerdegen ay engaged na. “Yeah,” pagkumpirma ng Addams Family alum sa Us sa Grove sa L.A. “[We got engaged] a couple months back.” At the time, the brunette beauty was helping to unveil the Make Up For Ever Remix Make Up Bag and Make Up For Ever Mobile Tour.

Ang dating Now and Then star at si Heerdegen ay nagkakilala sa set ng ABC series ni Cristina na Pan Am noong 2011. Pebrero 2012, eksklusibong nakumpirma ng Us ang kanilang relasyon. Umugong ang mga balita ng engagement nang makita si Cristina na nakasuot ng singsing noong Oktubre ng kaparehong taon.

.. Continue: Balita.net.ph (source)

Christina Ricci, ikinasal

Bagong child protection policy, ilalabas ng DepEd

Ni Ina Hernando Malipot

Sinabi ng Department of Education (DepEd) noong Miyerkules na ilalabas nila ang bagong bersyon ng namamayaning Child Protection Policy (CPP) sa Enero 2014 upang matiyak na maprotektahan ang mga bata sa lahat ng uri ng karahasan mula sa mga nakatatanda, mga awtoridad at mga kapwa estudyante.



Sinabi ni DepEd Undersecretary for Legal and Legislative Affairs Alberto Muyot na kasalukuyang ina-update ng department ang kanyang makasaysayang CPC upang maisama ang mga kinakailangang requirement na nakasaad sa kamakailan ay nilagdaang Anti-Bullying Law and Amended Juvenile Justice and Welfare Act.

“What we’re doing right now is we’re updating the CPP because of the recently passed Anti-Bullying Law which covers provisions on bullying or violence committed by one child to another,” paliwanag ni Muyot.

Mayroong 90 araw ang DepEd para maglabas ng Implementing Rules and Regulations (IRR) para sa Anti-Bullying Law na nilagdaan ni President Benigno Aquino III noong nakaraang Setyembre .

“But it doesn’t end there, we have to incorporate this to the existing CPP so we have to update it,” dagdag niya.

Bukod sa pagsasama ng mga kinakailangang requirement para sa Anti-Bullying Law, sinabi ni Muyot na ang revision ng existing CPP ay kabibilangan ng mga probisyon na nakabase sa Amendment of the Juvenile Justice and Welfare Act na nilagdaan din ni Aquino noong Oktubre 3.

“The Juvenile Justice and Welfare Council will come up with an IRR for this and we, at DepEd, will be also required to put in provisions in the CPP,” aniya.

Nauna nito, umapela ang Teachers’ Dignity Coalition (TDC) sa DepEd na ang ipinapatupad na CPP “must be clarified and put on the proper context.”

Sinabi ni TDC National Chairperson Benjo Basas na kahit ng “staunch supporter of children’s rights,” ang grupo kailangan pa ring linawin ng DepEd ang mga nakapaloob na probisyon sa CPP lalo na upang protektahan hindi lamang ang kapakanan ng mga estudyante kundi ng mga guro.

Nang tanungin kung magkakaroon ng karagdagang probisyon para sa proteksiyon ng mga guro sa revised CPP, sinabi ni Muyot na mayroon nang namamayaning probisyon sa CPP para sa kanila.

“Pero dahil bago, ‘yung iba hindi pa alam,” aniya.

Sa kasalukuyan ay nakatuon ang DepEd sa training of trainers (TOT) para sa mga rehiyon at nasakop na ang tatlong rehiyon kabilang ang Region 2, Cordillera Administrative Region (CAR), at Region IV-B (MIMAROPA).

.. Continue: Balita.net.ph (source)

Bagong child protection policy, ilalabas ng DepEd

Biktima ng bagyong Santi sa Talavera, inayudahan ng TESDA

TUMANGGAP ng ayuda mula sa Technical Education and Skills Development Authority (TESDA) ang libong pamilyang biktima ng bagyong Santi sa Talavera, Nueva Ecija.

Sinabi ni TESDA Regional Director Teodoro Gatchalian na ang mga relief goods ay naglalaman ng mga bigas, de lata, noodles, tubig at mga non-food items; ay ambag ng Technical-Vocational Schools sa buong Gitnang Luzon.

Bagama’t hindi mandato ng TESDA ang pamimigay ng relief goods, tungkulin pa rin ng bawat ahensya ng pamahalaan, ng bawat Pilipino na tumulong sa kapwa sa oras ng pangangailangan.

Samantala, lubos naman ang pasasalamat ng pamahalaang bayan ng Talavera bilang pagpili sa kanila upang handugan ng tulong.

Sinabi ni Mayor Nerivi Santos-Martinez na bagama’t nahuli ay makatutulong ito sa muling pagbangon ng munisipyo mula sa delubyong iniwan ng bagyo na sumira ng humigit kumulang P200 milyon halaga ng ari-arian, imprastraktura, at sakahan.

The post Biktima ng bagyong Santi sa Talavera, inayudahan ng TESDA appeared first on Remate.

.. Continue: Remate.ph (source)

Biktima ng bagyong Santi sa Talavera, inayudahan ng TESDA

Preventive suspension vs Solidum, kinatigan ng DoJ

KINATIGAN ng Department of Justice (DoJ) ang rekomendasyon ni Ombudsman Conchita Carpio-Morales upang patawan ng preventive suspension si Assistant State Prosecutor Diosdado B. Solidum Jr.

Batay sa memorandum ni DoJ Secretary Leila de Lima na may petsang October 30, 2013 para kay Prosecutor General Claro Arellano, ipinararating nito ang pagtanggap ng first endorsement mula sa Office of the Ombudsman.

Base sa kautusan ng Ombudsman na may petsang October 24, 2013, ang respondent na si Solidum ay pinapatawan ng preventive suspension na walang kaukulang suweldo sa loob ng anim na buwan.

Nag-ugat ang kasong administratibo laban kay Solidum sa reklamo ng mga miyembro ng Philippine Airlines Employees’ Association (PALEA) na kanyang tangkang kikilan ng P2.4 million kapalit ng pagpabor sa kanilang kaso laban sa pamunuan ng Philippine Airlines.

Si Solidum ay una nang naaresto ng National Bureau of Investigation sa entrapment operation noong Hulyo sa isang hotel sa Quezon City na naaktuhang tumanggap ng marked money mula sa PALEA.

The post Preventive suspension vs Solidum, kinatigan ng DoJ appeared first on Remate.

.. Continue: Remate.ph (source)

Preventive suspension vs Solidum, kinatigan ng DoJ

UPDATE: Ex-CJ Andres Narvasa, pumanaw na

KINUMPIRMA ng Supreme Court (SC) na pumanaw na ang dating Chief Justice Hon. Andres Narvasa, alas-5:05 kaninang umaga.

Napag-alaman na si Narvasa ay pumanaw sa edad na 84, pang-19 na punong mahistrado ng Korte Suprema.

Nagsilbing Chief Justice ng Pilipinas mula December 1, 1991 hanggang November 30, 1998.

Naging bahagi siya ng Agrava Fact-Finding board na nanguna sa imbestigasyon ng pagpatay noon kay Senator Benigno Aquino Jr.

Si Narvasa ay isinugod pa sa pagamutan dahil sa panghihina ng katawan, pero ilang oras lamang ay binawian ng buhay.

The post UPDATE: Ex-CJ Andres Narvasa, pumanaw na appeared first on Remate.

.. Continue: Remate.ph (source)

UPDATE: Ex-CJ Andres Narvasa, pumanaw na

Publiko pinag-iingat sa mga sakit sa Undas

PINAG-IINGAT ng Department of Health (DoH) ang publiko sa mga sakit na puwedeng makuhasa mga sementeryo sa Araw ng mga Patay.

Ani Dr. Eric Tayag, director ng National Epidemiology Center (NEC) ng DOH, mas magandang magsagawa ng kaukulang pag-iingat kagaya ng paglalagay o pagpapahid ng mga mosquito repellent lotion bago magtungo sa sementeryo upang hindi makagat ng lamok.

Ayon kay Dr. Tayag, simula Enero 1 hanggang Oktubre 19 ay nakapagtala na ang DOH ng 154,833 dengue cases kung saan 545 ang namatay.

Una nang pinag-iingat ng DOH ang publiko sa pagbili ng mga kinakain sa sementeryo upang makaiwas sa sakit kagaya ng Hepatitis.

The post Publiko pinag-iingat sa mga sakit sa Undas appeared first on Remate.

.. Continue: Remate.ph (source)

Publiko pinag-iingat sa mga sakit sa Undas

Pinay ambassador, kabilang sa 100 World’s Most Influential Women

Napili bilang isa sa 100 Most Influential Women in The World (Global100) – Policy maker & Visionary Award Category ng Filipina Women’s Network (FWN) si Ambassador Patricia Ann V. Paez ang envoy ng Pilipinas sa Poland, Latvia, Lithuania at Estonia.



Ang nasabing award category ay kumikilala sa mga Pinay lider dahil sa angking galing sa negosyo, magandang adhikain sa pagbabago o maimpluwensiyang mga polisiya, kampanya o batas na epektibo sa pagnenegosyo, industriya at lipunan maging ang pagpapaangat sa buhay at karera ng iba sa pamamagitan ng pagbabahagi ng mga benepisyo sa kanilang yaman, karanasan at kaalaman.

“The FWN Global100 Awardees will be featured in a special issue of the FWN Magazine, and they will be honored at a Gala Awards dinner and ceremony on 26 October 2013 during the 10th Annual Filipina Leadership Summit at the Mark Hopkins InterContinental Hotel in San Francisco, California,” sabi ni Susie Quesada, Executive Vice President ng Ramar Foods at president ng FWN.

Ang 100 Most Influential Filipina Women in the World Award ay isang selebrasyon sa liderato, inspirasyon at tagumpay. Pagkilala ito sa mga Pinay na nakaimpluwensiya sa liderato sa global workplace.

Ang FWN Global100 women ay pinakamakapangyarihang ehemplo ng mga babae sa paggawa ng extraordinary work na humihimok sa kabataan at ang mga magiging lider pa sa hinaharap ayon kay Col. Shirley Raguindin, chairperson ng Global 100 Worldwide Search and Selection Committee.

Nabatid na napili sila mula sa mga nominasyong isinumite buhat sa 15 bansa.

“The Global100 Awards is the heart of FWN’s Filipina Global Power 2020 Vision: build the Filipina community’s pipeline of qualified leaders to increase the odds that some will rise to the “president” position in all industry sectors worldwide,” pahayag ni Marily Mondejar, CEO ng FWN. – Bella Gamotea

.. Continue: Balita.net.ph (source)

Pinay ambassador, kabilang sa 100 World’s Most Influential Women

D-League: Mga baguhan, makikipagsabayan

Ni Marivic Awitan

Mga laro ngayon: (Ynares Sports Arena)

12 p.m. Zambales M-Builders vs Wangs Basketball

2 p.m. Arellano University-Air21 vs Hog’s Breathe Café

4 p.m. Cebuana Lhuillier vs Café France

Apat pang koponan, kabilang ang dalawa pang baguhan, ang nakatakdang sumalang sa unang pagkakataon sa tatlong magkakahiwalay na laban sa pagpapatuloy ng aksiyon sa 2013 PBA D-League Aspirants Cup sa Ynares Sports Arena sa Pasig City ngayon.



Unang sasabak ang Wangs Basketball Team kontra sa kapwa baguhan na Zambales M-Builders sa alas-12:00 ng tanghali.

Kasunod nito ang paghataw naman ng Arellano University Chiefs/Air21 laban sa Hog’s Breathe Café sa alas-2:00 ng hapon habang nakatakda din ang debut game ng bagong bihis na Cebuana Lhuillier kontra Café France sa tampok na laro sa alas-4:00 ng hapon.

Inaasahang babawi ang Builders sa natamo nilang pagkabigo sa kamay ng kasalukuyang lider na Cagayan Valley Rising Suns noong nakaraang Martes sa kanilang pakikipagtagpo kontra sa Wangs na pangungunahan naman ng Mapua players na sina Jessie Saitanan at Jonathan Banal.

Para naman sa ikalawang laban, magkakasukatan nang lakas para makapagposte ng unang tagumpay ang Chiefs at ang Hog’s Breathe na nasa ilalim ngayon sa paggabay ng bagong coach na si Caloy Garcia ng Letran College sa NCAA.

Nakatakdang sumailalim sa pagmamando ni coach Jojo Villapando, pamumunuan naman ang Chiefs ng kanilang mainstays at mga dating player na sina Rocky Acidre, Isiah Ciriacruz, Allen Etrone at Gerald Lapuz.

Samantala, mayroon ding bagong head coach sa katauhan ni University of the East coach Boysie Zamar, sisimulan ng Gems ang kanilang title seeking campaign kontra Bakers na magsisikap namang bumangon mula sa natamong kabiguan sa opening day sa kamay ng Rising Suns.

.. Continue: Balita.net.ph (source)

D-League: Mga baguhan, makikipagsabayan

Istilong chop-chop kay Napoles

Naniniwala si Sen. Aqulino Pimentel III na sa istilong “chop-chop” ay makukuha ang Senado ang mga nais malaman mula kay Janet Lim-Napoles kaugnay sa P10 billion pork barrel scam.

Ayon kay Pimentel, ito ang isa sa mga nakikita niyang paraan sakaling ipilit ni Napoles na hindi magsalita gamit ang “right against self-incrimination” sa ilalim ng Saligang Batas.



“The trick was not to force the truth out of the alleged pork barrel queen, but to piece together all the testimonies of her erstwhile employees who have turned into whistle-blowers,” paliwanag ni Pimentel.

Nakatakdang dumalo si Napoles sa pagdinig ng Senate Blue Ribbon committee sa Nobyembre 7.

“We can get to the bottom of the truth without her testimony,” ayon kay Pimentel, kasapi ng Blue Ribbon committee. – Leonel Abasola

.. Continue: Balita.net.ph (source)

Istilong chop-chop kay Napoles

Madalas na gun ban pinag-aaralan ng DILG

BINABALANGKAS na ng Department of the Interior and Local Government (DILG) ang posibilidad na madalas na pagpapatupad ng gun ban sa bansa.

Ang paghimay sa batas ay sa gitna ng patuloy na pagtaas ng bilang ng mga lumalabag sa umiiral na gun ban sa panahon ng election period.

Ayon kay DILG Sec. Roxas, kung magiging madalas ang gun ban ay tiyak na mas maraming mahuhuling kriminal na numero unong violators.

Posible ring ito ang magiging susi sa problema hinggil sa loose firearms.

Paliwanag ni Roxas, karamihan sa mga violator ay mga kriminal dahil pakiramdam ng mga ito ay exempted na sila sa gun ban.

Batay sa pinakahuling datos ng Philippine National Police (PNP), nasa 688 indibidwal na ang naaresto na lumabag sa gun ban.

Paaalala ng PNP, nananatiling epektibo ang gun ban hanggang sa Nobyembre 12.

The post Madalas na gun ban pinag-aaralan ng DILG appeared first on Remate.

.. Continue: Remate.ph (source)

Madalas na gun ban pinag-aaralan ng DILG

Bilang ng pasahero sa NAIA, normal pa

NORMAL pa rin ang bilang ng mga pasaherong dumarating sa Ninoy Aquino International Airport (NAIA), isang araw bago ang Undas.

Ayon sa advisory ng Manila International Airport Authority (MIAA), walang naitatalang dagdag sa bilang ng mga pasahero na dumadating at umaalis sa mga paliparan.

Wala rin advisory mula sa mga airline na tumaas kanilang flight bookings.

The post Bilang ng pasahero sa NAIA, normal pa appeared first on Remate.

.. Continue: Remate.ph (source)

Bilang ng pasahero sa NAIA, normal pa

Bulls, unang inasinta ng Heat

MIAMI (AP)- Tinanggap muna nila ang kanilang mga singsing bago sila sumuong sa isang mabigat na laban.

Kapwa naman ninamnam ng Miami Heat ang maagang selebrasyon.

Inasinta ni Shane Battier ang 4-for-4 mula sa 3-point range, kasama na ang kritikal na isa mula sa kanang korner sa nalalabing 1:33 remaining, at halos sinayang ng Heat ang kanilang isinagawang mahigit sa 25-point lead bago nila hinadlangan si Derrick Rose at Chicago Bulls, 107-95, kahapon sa season-opener ng magkabilang koponan.



Umiskor si LeBron James ng 17 puntos sa Miami, isinuot ang kanilang 2013 NBA championship rings sa ginanap na pregame ceremony. Napag-iwanan pa ang Heat sa kaagahan ng laro, 9-2, at pagkatapos ay na-outscored ang Chicago, 52-24, sa nalalabing bahagi ng unang half.

Tumapos si Rose na mayroong 12 puntos sa 34 minutong paglalaro sa unang game matapos na magtamo ng napakaseryosong knee injury noong Abril 2012. Ikinasa ni Carlos Boozer ang 31 puntos at 7 rebounds para sa Chicago, nakalapit sa halos 8 puntos sa final minutes.

Ngunit ang tres ni Battier sa kanang korner ang nagpanumbalik sa katatagan ng Heat at mula noon ay ‘di na nakatanggap ng anumang pagkagambala ang koponan.

Nagposte si Chris Bosh ng 16 puntos, tumapos si Battier na taglay ang 14 at nagtala sina Dwyane Wade at Mario Chalmers ng tig13 puntos sa Miami, nagkaroon ng pitong mga manlalaro na may double figures.

Ikinasa rin nina Ray Allen at Norris Cole ang tig-11 sa Miami.

Ibinuslo naman ni Rose ang 4-for-15 para sa Bulls.

Sa halftime, pinagulong ng Miami ang 54-33 pag-angat, nagdala sa kanila upang burahin ang 108-66 final, ang panalong nagdala sa Chicago noong 2006 sa pamamahay ng Miami, bukod pa sa hinadlangan nila ang dapat sana’y ang unang singsing ng Heat franchise.

Subalit sa pagkakataong ito, ‘di na pinakawalan ng Miami ang makasaysayang araw bagamat kinakitaan pa ang Bulls ng maraming interesadong laro hanggang sa matapos ang laban.

Ang layup ni Butler sa natitirang 5:34 ang nagpalapit sa Bulls sa 15 puntos na pagka-iwan na lamang, at matapos na maimintis nito ang free throw, ang rebound naman ni Kirk Hinrich at ang 3-pointer nito ang tumapyas sa kalamangan ng Miami, 91-79.

Na-fouled out si Hinrich mula sa posesyon ng Miami, kung saan ay muling nagbalik si Rose sa nalalabing 5:14. Itinarak ni Wade ang iskor sa sumunod na segundo at sinundan pa ng Heat sa napakalakas na paghataw ni James sa harap ni Luol Deng upang maikasa ang 16-point lead.

Ngunit sadyang ‘di pa tapos ang laban para sa Bulls, muling pinagpas ang lead sa 95-87 mula sa drive ni Boozer, may 2:47 pa sa orasan.

Ang magandang panimula ni Rose ay nakita na sa kaagahan ng laro, mayroong dalawang drives para sa impresibong mga iskor. Angat ang Bulls sa 15-10 nang ilabas si Rose sa unang pagkakataon sa natitirang 3:36 sa opening quarter.

Nang magbalik si Rose, muli na naman nitong iginiya ang koponan sa komportableng kalamangan. Na-outscored ng Heat ang Bulls sa 13-3 sa unang stint ni Rose sa bench, nalaglag ang five-point lead tungo sa five-point deficit kung saan ay namayagpag na ang Heat.

PASAKALYE: Simula ng umentra ang Heat sa liga, ang reigning NBA champions ay mayroon nang 21-5 sa kanilang opening game sa nagdaango season. … Bibisita ang Heat sa Philadelphia 76ers ngayon. Ang susunod na laro ng Chicago ay sa Biyernes, ang kanilang home opener laban sa New York Knicks. … sa pagbabalik sa nakaraang season’s Eastern Conference semifinals, napagwagian ng Miami ang limang sunod na mga laro laban sa Bulls. … Si James ay may 31 puntos na kakulangan para sa 25,000 sa kanyang karera, kasama na rito ang isasagawang kampanya sa regular-season at playoff games. Siya ang magiging ika-28 player sa kasaysayan ng NBA na umentra sa nasabing milestone.

.. Continue: Balita.net.ph (source)

Bulls, unang inasinta ng Heat