Opisyal nang darating sa New York ang NBA All-Star Game sa 2015, anunsiyo ng liga noong Miyerkules.
Magiging co-hosts ang Knicks at Brooklyn Nets para sa mga kaganapan ng All-Star weekend patungo sa All-Star Game na idaraos sa Pebrero 15, 2015 sa mas pinagandang Madison Square Garden.
Ang 3-point shooting at dunk contest, kasama ang iba pang aktibidad, ay gagawin sa bakuran ng Nets sa Barclays Center sa Brooklyn.
“New York City is the basketball capital of the world and the sport’s biggest stage,” lahad ni New York mayor Michael Bloomberg sa isang news conference. “We’re lucky enough to have two world-class arenas, and the only thing better than having All-Star weekend at Madison Square Garden or the Barclays Center is having it at both of them.”
Huling ginanap ang isang NBA All-Star Game sa New York noong 1998.
“New York offers an extraordinary opportunity to host NBA All-Star events at two world-class venues,” pahayag ni NBA commissioner David Stern. “We look forward to celebrating our game with basketball fans across the entire city, in all five boroughs.”
Nakatakda ang 2014 All-Star Game sa New Orleans sa Pebrero. Iniulat ng Toronto Sun noong Martes na ang 2016 All-Star weekened ay magaganap naman sa Toronto kasabay ng pagdiriwang ng ika-20 anibersayo ng Raptors. – Yahoo! Sports
.. Continue: Balita.net.ph (source)
No comments:
Post a Comment