Alice Dixon, pinantasya ni Ogie Alcasid

AYAW nang pag-usapan ni Ogie Alcasid ang hindi natuloy na project sana niya sa TV5 soap na The Gift na dapat ay ila-line produce ng APT Entertainment. Nagbiro na lang ito sa press na nakatsikahan niya sa launching ng romantic/comedy series na Confession of a Torpe with Alice Dixon, Gelli de Belen, atbp. na kakausapin niya si MVP ( Mr. Manny V. Pangilinan) at itatanong kung bakit hindi natuloy kahit na nakapag-taping na sila.

Naka-focused daw siya ngayon sa dalawa niyang show na Tropa Mo Ko Unli at ito nga, Confession of a Torpe.

Tsika pa ni Ogie, first time niya nakasama sa show si Alice na mahusay rin raw sa comedy na sira rin daw ang ulo tulad niya. Wala raw kasi itong reklamo kahit na anong ipagawa sa kanya nina Direk Soxy Topacio at Topel Lee.

“”Alam ninyo ba noon ay pinapantasya ko si Alice. Yes, true. Hindi naman ako malihim na tao, katunayan nga kabaliktaran sa tunay na buhay ang role na ginagamapan ko sa Confession of a Torpe. Kasi noon kapag may gusto ako sa babae ay ipinararamdam ko kaagad at hindi ko itinatago,”” pagtatapat ni Ogie.

Samantalang wala naman naging problema or naging asiwa sila ni Gelli de Belen nang magsama sa Confession of a Torpe. Matatandaan na nagkaroon ng hindi maganda sa pagitan nina Gelli at wife niya ngayon na si Regine Velasquez dahil na-link ito noon sa husband ni Gelli na si Ariel Rivera.

Matagal na raw yun at masaya na sila sa kani-kanilang pamilya. Mula pa raw noon at hanggang ngayon ay hindi nawala ang pagiging magkaibigan nila kaya walang problema at comfortable silang magkasama sa isang show.

——

TATAPUSIN muna ni Kylie Padilla ang taping niya para sa Adarna bago magbakasyon ng isang buwan sa Australia sa piling ng kanyang ina na naka-base na roon.

Hindi na umaasa si Kylie na posible siyang sundan or dalawin ng boyfriend na si Aljur Abrenica sa Australia para ma-meet na rin ang ina ng actress.

““Nag-meet na sila at saka gusto siya ni Mama. Pero yung makasunod siya sa Australia, tingin ko parang imposible. May taping siya ng Kambal Sirena. Madugo yun, sirena na nga kambal pa.””

Sa ngayon ay mas less na raw ang mga tampuhan nila dahil siguro raw nag-mature na sila pareho.

Bukod sa masaya siya na tanggap ng ina niya si Aljur ay tanggap na rin ng ama niya na si Robin Padilla ang boyfriend niya.

“Ang sarap nilang panooring nag-uusap. ‘Yun ang pinapangarap ko eversince. At saka napakabait ni AJ, gusto ko rin makita ni Papa ang AJ na nakilala ko. Kapag nakikita ko silang nag-uusap at nakaakbay na si Papa, parang ang sarap makita,”” masayang tsika ni Kylie.

Ayon pa kay Kylie, sana raw si AJ na ang lalaking makakasama niya habambuhay. At oras na magsama na raw sila at magkaanak ay ilalaan niya ang sarili sa pag-aalaga ng magiging anak nila.

Ayaw daw niyang lumaki ang anak nila na yung yaya ang kalalakihang parang nanay ng bata.

——

MULING bumalik ang kaseksihan ni Jackie Rice nang makita namin sa taping ng Bubble Gang na napanonood every Friday evening sa GMA 7. Seksi na uli ang mestisang actress na minsan din nagpabaya sa katawan dahil sa pinagdaanang problema.

Natsika ni Jackie na siya na ang pumalit sa role ni Charee Pineda sa indie film na Sitio Camcam na ididirek ni Joel Lamangan.

“”Ako ang gaganap sa role ni Shane, ang pangatlong asawa. Medyo daring nga po ang character para sa akin bilang artista. Kailangan mo pa rin alamin kung ano ang limitasyon mo kung hanggang saan lang ang kaya mong gawin for the sake of art,”” say ni Jackie.

Ayon pa kay Jackie, baka ito rin daw daring role ang dahilan kung bakit nag-back out si Charee. Pero nang mabasa raw niya (Jackie) ang role ay hindi na siya nagdalawang-isip para tanggapin.

“Bukod sa maganda ang istorya, siguro kasi gusto ko talaga na iba naman ang gagawin ko. I mean, gusto ko malaman kung hanggang saan talaga ang kaya ko bilang artista. Kinakabahan ako kasi si Direk Joel Lamangan.

“Kinakabahan ako kasi maganda ang role na medyo may pressure rin. Pero kinakabahan ako na excited, mixed emotion,” say pa ni Jackie.

Ang unang preparasyon na dapat daw niyang gawin ay pumasok sa mga club na kung saan may mga babae na sumasayaw ng hubad.

““Sabi, pumasok daw ako sa mga club para mas mapag-aralan ko ang character na ipo-portray ko. Sabi ko nga baka susunod na tsismis sa akin ay tomboy na ako, Ha! Ha! Ha!”’ natatawang pagtatapos ni Jackie.

Ang tanong, maghubad din kaya si Jackie kapag sinabihan ni direk Joel na kailangan maging makatotohanan ang gagawin niyang pagsasayaw sa isang club?

The post Alice Dixon, pinantasya ni Ogie Alcasid appeared first on Remate.

.. Continue: Remate.ph (source)

Alice Dixon, pinantasya ni Ogie Alcasid