PATAY ang isang binata matapos barilin ng kaaway habang nagka-cara y cruz sa Caloocan City, Lunes ng madaling-araw, Disyembre 1.
Namatay habang ginagamot sa Caloocan Medical Center (CMC) sanhi ng tama ng bala sa dibdib si Michael Torres, 27, ng Julian Felipe ng lungsod.
Pinaghahanap naman ng mga pulis ang lalaking suspek na nakilala lang sa alyas na Angie.
Sa ulat, alas-2:05 ng madaling-araw, kasugal ng biktima ang ilang kaibigan malapit sa kanilang bahay nang dumating ang suspek sakay ng tricycle at kinompronta ang una.
Nagtalo ang suspek at ang biktima dahilan upang bunutin ng suspek ang dalang baril saka pinutukan ang huli.
Matapos ang pamamaril ay tumakas ang suspek habang dinala naman sa CMC ang biktima kung saan inaalam na ng mga pulis kung ano ang pinagmulan ng pamamaril. RENE MANAHAN
.. Continue: Remate.ph (source)
No comments:
Post a Comment