PARA makatipid sa pagkonsumo ng kuryente, plano ng pamahlaan ng Quezon City na gumamit na rin ng solar panel sa mga pampublikong paaralan at gusali ng pamahalaan sa lungsod.
Sinabi ni QC Mayor Herbert Bautista na inatasan na niya ang division of city schools at Task Force Streetlights para pag-aralan ang pagkabit ng mga solar panels sa mga roofing ng mga pumpublikong eskwelahan at gusali mga ng ahensya ng gobyerno sa lungsod.
Paliwanag ni Bautista na bukod sa maibababa nito ang singil sa paggamit ng kuryente ay may pagkakataon din itong lumikha ng dagdag-kita sa lokal na pamahalaan sa pamamagitan ng pagbebenta at metering sa sobrang suplay ng kuryente na makukuha sa paggamit ng solar panels.
Mismong ang Meralco aniya ay maaaring bumili sa QC government ng solar power sa halagang P5.00 per kilowatt lamang o higit pa. Sa proyektong ito, ang pamahalaang lokal ng Quezon City ang aako sa malaking investment para sa pagkakabit ng solar panel sa mga public school at government buildings sa lungsod.
Sa ngayon, ang SM North EDSA ay nakakapag-generate na ng 1.5 megawatts ng kuryente mula sa solar panels na nakakabit sa multi-level car park rooftop nito at nakakatipid ng halos limang porsyento sa gamit sa suplay ng kuryente ng naturang mall na may halagang P2-milyon sa gastusin sa kuryente. ROBERT TICZON
.. Continue: Remate.ph (source)
No comments:
Post a Comment