PALAISIPAN ngayon sa awtoridad ang pagkamatay ng isang municipal councilor matapos matagpuan ang bangkay nito malapit lang sa kanilang bahay kaninang madaling-araw, Nobyembre 29, sa Cavite.
Hinihinalang mahigit tatlong oras o mas higit pang patay ang biktima na nakilalang si Tanza councilor Wilfredo Nunez, 56.
Blangko pa ang Tanza police station kung sino naman ang nasa likod ng pamamaslang pero isa sa mga tinitignang anggulo ay may kaugnayan sa politika.
Sa ulat, nadiskubre ang bangkay ng biktima dakong 12:45 ng madaling-araw may 20 metro lamang ang layo sa bahay nito.
Ayon sa imbestigasyon, may pinuntahang ang biktima pero sa hindi malamang dahilan ay hindi na ito nakauwi pa.
Nalaman na lamang na patay ito nang madiskubre ang kanyang bangkay na tadtad ng tama ng bala ng hindi pa malamang kalibre ng baril.
Hinala naman pulisya na pinagbabaril ng hindi nakikilalang suspek ang biktima habang naglalakad ito sa lugar. ROBERT TICZON
.. Continue: Remate.ph (source)
No comments:
Post a Comment