Tatay, timbog sa droga at baril

ARESTADO ang isang padre de pamilya dahil sa pagtatago ng shabu at armas na sa Baao, Camarines Sur.

Ang naarestong suspek ay kinilalang si Alexander Bolalin, 42, ng nabanggit na lugar.

Napag-alamang tinungo ng mga awtoridad ang bahay ni Bolalin upang isilbi ang isang search warrant.

Sa kanilang paghahalughog, nakuha sa pag-iingat ni Bolalin ang dalawang sachet ng shabu, mga drug paraphernalia, .38 caliber revolver at sampung bala para sa naturang baril.

Bunsod nito, agad na inaresto ang suspek na ngayon’y nahaharap na sa kasong paglabag sa RA 9165 at RA 10591. JOHNNY ARASGA

.. Continue: Remate.ph (source)

Tatay, timbog sa droga at baril