SA presscon ng “My Big Bossing,” one of the entries sa coming Metro Manila Film Festival (MMFF) sa December, maraming humanga kay Marian Rivera na kahit daw dapat ay nagpapahinga na siya para sa wedding nila ni Dingdong Dantes, tinutupad pa niya ang mga commitments niya. Ayon sa bride-to-be, kailangan daw niyang tuparin ang kanyang mga commitments na lahat ay naka-schedule na hanggang sa bago ang wedding day nila sa December 30 sa Immaculate Conception Cathedral in Cubao, Quezon City.
Hindi raw niya pwedeng hindi ipagmalaki ang episode nilang “Taktak” na may pagka-horror comedy na nagtatampok sa kanila nina Bossing Vic Sotto, Ryzza Mae Dizon at Jose Manalo, mga Dabarkads niya sa “Eat Bulaga.”
Nag-enjoy daw siya sa first time role na ginampanan niya, that of a TV executive na sila ng investigative reporter na si Vince (Vic) ang nag-expose ng isang scam na involved si Angel (Ryzza Mae). Sa December 22, may premiere night ang movie sa SM Megamall Cinema 10 at sa December 23 ay sasakay naman sila sa float sa MMFF parade of stars.
Last Friday, tinapos na ni Marian ang taping ng dance show niyang “Marian,” and this week, magpapahinga na si Marian at events na lamang tungkol sa kasal nila ni Dingdong ang pupuntahan niya. Inilabas na niya ang invitation para sa formal event na Despedida de Soltera sa Wednesday, December 3, na dadaluhan ng kanilang family, relatives and close friends ni Dingdong. Balita ring may isa pang pre-nuptial party ang ibibigay sa kanila ni Dingdong aboard a yatch.
* * *
Pwede palang scriptwriter itong si Aling Maliit, Ryzza Mae Dizon. Dapat pala ay gagawin ni Vic Sotto sa Sunday sitcom nilang “Vampire Ang Daddy Ko” na isang sirena si Ryzza dahil gusto raw nitong gumanap na sirena.
Si Ryzza pa raw ang nagsabing ibabad siya sa patis para kunwari ay nasa tubig-alat siya sa dagat. Pero nagbago ang isip ni Bossing Vic, ginawa niya itong isa sa episodes ng trilogy movie nilang “My Big Bossing.”
Sa kwento naman ni direk Tony Y. Reyes, ito ang pinakamahirap na episode na ginawa nila. Unang-una, kailangang marunong lumangoy si Ryzza Mae, hindi lamang sa swimming pool, kundi sa dagat. Pero mahusay talaga si Ryzza, at humanga sa kanya si Direk Tony, matapos mag-aral lumangoy sa swimming pool nina Pauleen Luna, na may pabali-baliktad sa tubig, nagawa niya ito sa dagat, dahil alam niyang hindi naman siya pababayaan ng mga divers na nakaalalay sa kanila noong shooting.
* * *
Sa presscon, natanong si Bossing Vic Sotto kung sila pa rin kaya ang maging number one sa box-office, hindi ba siya nag-aalaala na malalakas rin ang makakalaban nila? Hindi raw siya nag-iisip ng pelikula ng iba, basta ang gusto lamang niya, mapaganda ang entry nila at mapasaya ang mga manonood nito simula sa December 25. Pinanood na nga raw niya ang rushes ng tatlong episodes at nangilid daw ang luha niya sa husay ng kanilang mga artista, lalo na si Ryzza na gumanap ng tatlong characters sa tatlong episodes.
Ang isa pang episode, ang “Prinsesa,” ay gumanap namang isang prinsesa si Ryzza at kasama niya rito sina Zoren Legaspi, Nikki Gil at Pauleen Luna. FRONT SEAT/NORA V. CALDERON
.. Continue: Remate.ph (source)
No comments:
Post a Comment