ITINANGGI ni Ruffa Gutierrez ang isyung buntis ulit si Sarah Lahbati.
Siya rin kasi ang nagsabi sa PMPC Star Awards for TV Best Reality Show na It Takes Guts to be a Gutierrez na delayed ang mens ni Sarah.
“Biglang nagkaroon na siya, kaya ‘di siya preggy, delayed lang daw siya ng ilang weeks,” deklara ni Ruffa nang makatsikahan siya sa launching ng Appefize, isang software application kung saan ay may tinatawag na celebrity apps wherein pwede mong tingnan ang mga infos and latest updates tungkol sa paborito mong artista.
Sa palagay ni Ruffa ay hindi talaga buntis si sarah dahil swimming nang swimming. Wala ring masama kung preggy si Sarah dahil nagsasama naman sila ni Richard Gutierrez at may baby na sila (Zion). Bukod dito, gusto rin daw niyang magkaroon ng kambal.
Ang pagkakaalam niya gusto ni Sarah na magkaroon ng kambal. Pero pinapayuhan din sila ni Ruffa na i-enjoy muna ang kabataan nila.
Samantala, kasama ni Ruffa ang kanyang boyfriend sa naturang event. Ang lalaking ito ang dahilan kaya hate ni Annabelle Rama si Ruffa.
“Ngayon na naman, hate na naman niya ako. Sana naman by next week, she loves me again,” sambit ng TV host actress.
Hindi nga alam ni Ruffa kung bakit favorite siyang awayin ni Tita A.
“Alam mo kasi si Mommy, kailangan, mayroon siyang pinagkakaabalahan na parang favorite niyang ano, parang taga-aliw niya kasi kung hindi ako lagi ang nakikita niya. She always picks on me for no reason.
“Ako talaga paborito niyang away-awayin. ‘Di naman niya inaaway si Mond (Raymond), ‘di naman niya inaaway si Chard (Richard). Sabi ko, ‘Ma, don’t you want me to be happy? Parang feeling ko, hate na hate niyang happy ako,” deklara pa nito.
Anyway, masaya ang aktres sa kanyang bagong celebrity apps dahil very active siya sa social media.
May Twitter account at Instagram si Ruffa at masipag siyang magpo-post ng mga ginagawa niya, kung ano ang nararamdaman niya or kung ano ang kinakain niya. Ginagamit niya rin ito bilang paraan ng pagpo-promote at aminado naman siyang nakatutulong talaga ang social media sa ganitong aspeto.
“It has good points and bad points. Ako, I’m very active on social media, I’m very open kasi para sa akin, the fans wanna know what you’re doing, they wanna know what you’re eating, where you’re going and hindi na uso ngayon sa mga artista na hindi active sa social media.
“Pati kapatid ko na si Richard, dati pa-private-private siya, ngayon wala siyang choice, ‘di ba? So, for me, it’s a way to reach out to your fans and ngayon, nire-require na rin ng mga endorsements na maging active kayo sa social media. So, for me, I think, it’s a very good thing,” bulalas pa niya.
Ang tinik lang naman sa socal media ay ang mga bashers and haters. Ang ginagawa na lang daw niya, bina-block na lang daw niya ang mga ito.
Ang iba pang celebrities na may sariling app sa Appefize ay sina Martin Nievera, Derek Ramsay, Karylle, Jay-R, Bangs Garcia, Sollenn Heussaff at marami pang iba. And more are coming pa raw ayon kay Russel Thomas na founder and CEO ng Appepize.
Talbog! XPOSED/ROLDAN CASTRO
.. Continue: Remate.ph (source)
No comments:
Post a Comment