DAHIL sa pagiging alerto, walang sundalong nalagas o masugatan sa nangyaring harassment ng mga rebeldeng New People’s Army (NPA) sa military base na nakabase sa Bgy. Kibanban, Balingasag, Misamis Oriental.
Inihayag ni acting 4th ID spokesperson 1Lt. Joe Patrick Martinez na umaabot sa limang rebelde ang nagpaulan ng mga bala sa kanilang army patrol base subalit agad nakaalerto ang mga sundalo kaya hindi na masyadong nakalapit ang mga ito.
Agad nakapagpaputok ang mga sundalo kaya napaatras ang mga rebelde.
Sa ngayon, hinigpitan pa ng militar ang kanilang combat operations sa nasabing bahagi ng lalawigan upang hindi na maulit ang harassment ng mga rebelde.
Narekober sa lugar ang empty shells mula sa mga baril na AK-47 na ginamit ng mga rebelde.
Napag-alamang noong nakaraang linggo, sumiklab ang ilang araw na engkwentro sa pagitan ng militar at NPA sa Bgy. Minalwang, Claveria nitong lalawigan na dalawang mga rebelde ang nalagas at sugatan ang tatlong sundalo. JOHNNY ARASGA
.. Continue: Remate.ph (source)
No comments:
Post a Comment