HANDANG harapin anumang oras ang anomang kasong isasampa ni disqualified Laguna Gov. ER Ejercito laban sa Pangulong Noynoy Aquino.
Una ng inihayag ni Ejercito sa isang pagtitipon ng movie industry na hangad niyang makitang nakakulong si Aquino pagbaba nito sa puwesto sa 2016.
Labis na umanong malalim ang kasalanan ng mga Aquino sa mga Ejercito dahil sa aniya’y selective justice at ang mga taga-Liberal Party (LP) ay ‘untouchable’ habang silang taga-oposisyon ang pinupuntirya.
Sinabi naman ni Communications Sec. Sonny Coloma, ang Pangulong Aquino kasama ang ibang nasa gobyerno ay maituturing na accountable officers at handang managot kung may paglabag sa batas.
Ayon kay Coloma, kung may akusasyon laban sa Pangulong Aquino, dapat ihain ang kaso para may pagkakataon na mapakinggan ang magkabilang panig. JOHNNY ARASGA
.. Continue: Remate.ph (source)
No comments:
Post a Comment