Parusang kamatayan sa mga rapist, ipinababalik ni Sen. Santiago

IGINIIT ni Sen. Miriam Defensor-Santiago na amyendahan ang Anti-Rape Law of 1997 para muling buhayin ang parusang bitay lalo na sa mga rapist.

Ayon sa senador, sa pamamgitan ng inihaing Senate Bill 2462 nais niyang palakasin ang Anti-Rape Law para gawing habambuhay na pagkabilanggo hanggang death penalty ang parusa.

Nais ni Santiago na “reclusion perpetua to death” ang parusa ng rapist na gumamit ng isang deadly weapon o ginawa ito ng dalawa o mahigit pang tao.

Kamatayan din ang kahaharapin ng isang suspek sa panggagahasa kapag nagkaroon ng psychological disorder ang biktima o magiging dahilan ng tangkang pagpapakamatay o pagkamatay ng biktima.

Naniniwala ang Senador na mareresolba ang kaso ng rape sa pamamagitan ng kanyang panukala at ang mga biktima ay kabataan na may edad 13 – 15. JOHNNY ARASGA

.. Continue: Remate.ph (source)

Parusang kamatayan sa mga rapist, ipinababalik ni Sen. Santiago