NASA kritikal na kondisyon ngayon ang isang babaeng teenager nang barilin ng riding-in-tandem kahapon ng madaling-araw sa Pasay City.
Nilalapatan ng lunas sa San Juan de Dios Hospital ang biktimang kinilalang si Roshyaide Mendoza, 15, ng Tramo St., na naturang lungsod sanhi ng tama ng bala sa ulo.
Ayon sa imbestigasyon ni SPO2 Genomar Geraldino, naganap anmg insidente dakong 3:14 ng umaga sa kanto ng Tramo at Celeridad St., Bgy. 103 Zone 11, Pasay City.
Sa ulat, ang biktima kasama ang isang Monica Bauitis, 18, ay magkaangkas sa isang scooter na minamaneho naman ng isang John Angelo Tenco, 16, sa Tramo St.
Pagsapit sa Celeridad St., nilagpasan ng mga suspek ang motorsiklo ng mga biktima at pinagbabaril ang kanilang target.
Makaraan ang pamamaril, tumakas patungong Arnaiz Ave. ang mga suspek habang dinala naman sa Pasay City General Hospital ang biktima para lapatan ng lunas.
Pinaghahanap na ngayon ng mga pulis ang mga suspek. JOHNNY ARASGA
.. Continue: Remate.ph (source)
No comments:
Post a Comment