SAMPUNG oras na brownout ang sasalubong sa unang araw ng Marso sa mga residente ng ilang bahagi ng Pampanga.
Ang nasabing pahayag ay base sa inilabas na abiso kahapon ng pamunuan ng National Grid Corporation of the Philippines (NGCP) na ang tanggapan ay nasa Bonifacio Global City, Taguig City.
Napag-alaman sa NGCP na kabilang umano sa maapektuhan ng brownout ay ang Mexico, Arayat, Magalang at Mabalacat, sa Pampanga na inaasahang mawawalan ng suplay ng kuryente simula alas-8:00 ng umaga hanggang alas-6:00 ng gabi.
Sa paliwanag ng NGCP, ang mararanasang power interruption ay upang bigyan-daan ang pagpapalit ng insulators sa kahabaan ng Mexico-Clark 69-kilovolt line at preparatory works para sa alternate line na gagawin ng PELCO I at isasagawang preventive maintenance sa Plaza Luman, Arayat substation.
Bukod sa Pampanga ay nakaranas din ng mahabang oras na brownout kahapon ang ilang bahagi ng Misamis Oriental dahil na rin sa emergency shutdown ng 69 kilovolt line sa Lugait-Carmen kung saan nagsimulang mawalan ng kuryente alas-6:00 ng umaga hanggang alas-10:00 ng gabi. JAY REYES
.. Continue: Remate.ph (source)
No comments:
Post a Comment