DUMALO rin si Sen. Jinggoy Estrada sa pagdiriwang ng kaarawan ni Sen. Juan Ponce Enrile sa Philippine National Police (PNP) General Hospital noong Pebrero 14.
Ito ang kinumpirma ng anak ng 91-anyos na senador na si dating Cong. Jack Enrile at sabay na sinabi na hindi niya nakita si Sen. Bong Revilla.
“I was there and I saw Sen. Jinggoy. I did not see Sen. Bong. I will say that much. I was one of the first one to arrive and I was one of the last one to leave. Nung umalis ako… hindi ko nakita si Sen. Bong,” kwento pa ng batang Enrile.
Hindi naman aniya nagtagal si Estrada sa okasyon. “Just a few minutes. I think nagpa-checkup lang siya and he came over to greet the old man. Nagpa-check lang yata siya ng BP… He was a little busy so he did not stay that long.”
Pawang nakakulong sa Camp Crame ang tatlong senador dahil sa mga kaso kaugnay ng multi-bilyong pork barrel scam. Pero magkasama sina Estrada at Revilla sa PNP Custodial Center samantalang nasa PNP General Hospital si Enrile.
Una nang naging kontrobersyal ang umano’y pagtakas ni Revilla sa piitan para lamang dumalo sa kaarawan Enrile at humantong pa sa pagkasibak sa hepe ng PNP Headquarters Support Service (HSS). ROBERT TICZON
.. Continue: Remate.ph (source)
No comments:
Post a Comment