BAGAMA’T may halong pagkainis at pagka-imbiyerna, wala umanong balak patulan ng TV host-actress na si Kris Aquino ang mga pasaring ng tiyahin niyang si Tingting Cojuangco.
Ito’y matapos sabihin ni Cojuangco sa isang blog entry na lilisanin niya ang Pilipinas kapag kumandidato si Kris na gobernador ng Tarlac sa 2016 elections.
Muling iginiit ng Presidential sister na hindi siya tatakbo sa public office. Ang kontrata raw niya sa mga endorsement ay nagbabawal sa kanyang kumandidato sa halalan.
Ayon pa kay Kris, nais niyang ituon ang oras sa mga anak na sina Josh at Bimby.
Sinabi ng tinaguriang ‘Queen of All Media’ na dedma na siya sa mga negatibong bagay kagaya ng pasaring ng tiyahin. Maliit aniyang bagay ito kung ang kapalit naman ay ang pagiging anak ni Cory Aquino.
Walang epekto ayon kay Kris ang mga paninira, sa matatag na samahan nilang magkakapatid.
Si Tingting Cojuangco ay maybahay ni Pepeng Cojuangco na kapatid ng dating Pangulong Cory.
Si Pepeng Cojuangco ay isa sa mga itinuturong nasa likod daw ng balak umanong kudeta laban sa Pangulong Noynoy Aquino kasunod ng pagkamatay ng 44 na miyembro ng Special Action Force (SAF) sa operasyon sa Mamasapano, Maguindanao noong January 25. JOHNNY ARASGA
.. Continue: Remate.ph (source)
No comments:
Post a Comment