MAGSE-CELEBRATE ng kanyang 18th birthday si Bea Binene sa November at dahil ganap nang dalaga ay conscious na siya kung paano magpapayat para mawala na ang kanyang baby fat.
Tamang-tama naman naging endorser siya ng isang uri ng gamot pampapayat daw na kapag itinake mo ay mawawalan ka na raw ng ganang kumain na hindi daw makakaapekto sa kalusugan ng tao.
“Nararamdaman mo naman ‘yung gutom. Kunwari, gutom ka na, kumain ka na. Pero ‘yung craving mo, matikman mo lang ng isang subo, tapos ka na. Parang okey ka na. Hindi ka na yung kakainin mo lahat. Hindi ka ‘yung takaw mata,” katwiran ni Bea.
Tanong tuloy kay Bea sa pagpapayat ay kung paghahanda na raw ba ‘yun na maging cover girl ng men’s magazine?
“Naku! Wala po sa pangarap ko,” pagdidiin ni Bea.
When asked kung wala pa ba siyang naiisip na gagawin sa kanyang debut sa November?
“Ang GMA Artist Center po ang nag-aayos. Pero ‘yung sa amin, baka pwedeng mag-travel na lang. Basta may nakitang murang airfare, Ha! Ha! Ha!” say ni Bea.
Samantala, hindi nakaligtas si Bea about her boyfriend na si Jake Vargas.
Okey pa rin ba sila? O, totoong nagkahiwalay na sila ng landas?
Consistent pa rin si Bea sa pagsagot sa tunay na estado ng kanilang pagmamahalan ni Jake na okey pa rin raw sila ng ka-loveteam pero kinumpirma niya na break na nga sila.
“Okey pa rin po kami Jake. Mas mabuti na rin po siguro ito para mas matutukan namin ang aming showbiz career,” pahayag ni Bea.
Sa ngayon ay pursigido si Bea na magtapos ng high school para makapasok sa college next year. Gusto niyang kumuha ng Mass Communication na walang Mathematics. Pangarap din kasi niya maging isang Mel Tiangco na paborito niyang TV news reporter.
Habang wala pa siyang regular na show sa GMA 7, tinatapos ni Bea ang isang indie/documentary na Dinggin na kung saan siya ang producer.
“Climate change awareness po ang istorya ng movie. Ang title niya is Dinggin. Parang Dinggin ang Puso ng Mundo something na advocacy na parang pansinin ninyo kami. ‘Yung parang hindi laging napapansin ng government,” say pa ni Bea na medyo seksi na rin kung magdamit.
***
Ngayon palang ay marami na ang nasasabik makita at mapanood muli sa telebisyon si Dingdong Dantes pagkatapos na kanilang kasal ni Marian Rivera.
Post nga ng isang tagahanga ni Dingdong sa Instagram nito na nag-iimbita sa pagsisimula ng bagong soap ng actor sa GMA 7 na Pari Koy na magsisimula sa March 9, pagkatapos ng 24 Oras.
Gaganap na isang pari si Dingdong for the first time kaya nakasaad sa post, “looking forward to hearing your homilies father Kokoy.”
We heard na si Carla Abellana ang lead female character sa serye na tila magkakaroon daw yata ng kaugnayan sa role ni Dingdong.
At totoo ba ang nakarating sa amin na tila ‘di raw natuwa si Marian na si Carla ang magiging kasama ng husband niyang sa serye?
Anyway, ang Pari Koy ay ididirek ni Marjo J delos Reyes at ngayon pa lang ay nakakasiguro na kami na maganda ang kalalabasan ng serye dahil minsan na rin kasi naging sacristan si Direk Maryo J. TEKA MUNA/GERRY OCAMPO
.. Continue: Remate.ph (source)
No comments:
Post a Comment