INATASAN na ng Moro Islamic Liberation Front (MILF) ang kanilang mga fighters na umiwas sa pakikipagsagupaan sa tropa ng gobyerno at sa mga miyembro ng Bangsamoro Islamic Freedom Fighters (BIFF).
Ayon kay MILF chief peace negotiator, Mohagher Iqbal, nagbigay na ng direktiba ang kanilang chief na si Murad Ebrahim sa lahat ng field commanders matapos ipag-utos ni Armed Forces of the Philippines Chief of Staff Gen. Gregorio Pio Catapang, Jr. ang all-out offensive laban sa BIFF.
Umaapela naman ang MILF sa militar na siguruhin ang seguridad ng mga sibilyan sa isinasagawang opensiba sa mga rebeldeng grupo.
Maayos naman umano ang koordinasyon ng AFP sa MILF sa isinagawang military operation para sugpuin ang BIFF.
Nangako si Iqbal sa AFP na tutulong ang mga ito sa pamamagitan ng pagbibigay ng impormayon sa kinaroroonan ni Jemaah Islamiyah bombmaker, Basit Usman. JOHNNY ARASGA
.. Continue: Remate.ph (source)
No comments:
Post a Comment