TUMAGOS hanggang puso ang balang ipinutok ng isang 36-anyos na doktor sa kanyang sarili na natagpuan ng kanyang kasambahay sa loob ng comfort room kagabi sa Sampaloc, Maynila.
Sinasabing may problema ang biktimang si Raymond Yabut, walang asawa, doctor of medicine (general practice) kaugnay sa suspension order o pagpapasara ng kanyang klinika sa loob ng 90-araw na matatagpuan sa Greenhills, San Juan.
Si Yabut ay may rekord na nagsilbi sa clinic ng Perpetual Help Hospital at may clinic din umano sa Greenhills at residente ng no. 832 Sisa St., Sampaloc, Maynila.
Sa ulat ni SPO1 Charles John Duran ng Manila Police District-Homicide Section, alas-9:00 nang gabi nang sapilitang buksan ng kasamabahay ng biktimang si Maricar Andaya, 19, ang CR sa ikalawang palapag ng kanilang bahay at madiskubreng patay na si Yabut.
Matapos umanong tumawag ng kapatid ng biktima sa kasambahay upang i-check kung tulog na ang kapatid ay hindi nito nakita sa kuwarto ang biktima kaya pinuntahan nito sa CR na noo’y naka-lock.
Hindi naman ibinunyag kung ano ang dahilan ng suspension order sa klinika ng biktima. JOCELYN TABANGCURA-DOMENDEN
.. Continue: Remate.ph (source)
No comments:
Post a Comment