DAHIL ipinain ang sarili para maharang ang pagsilbi ng arrest warrant laban sa kanyang kamag-anak, isang armadong lalaki ang napatay ng awtoridad sa Batangas, kaninang umaga (Pebrero 27).
Dead-on-the-spot sanhi ng tinamong tama ng bala sa iba’t ibang parte ng katawan ang hindi nakikilalang suspek na armado ng cal. 45.
Sa ulat, naganap ang insidente dakong 5:15 ng umaga sa Bgy. Alalum sa San Pascual, Batangas.
Ayon kay Batangas Police director Sr. Supt. Jireh Omega Fidel, maghahain sana ng warrant of arrest ang kanyang mga tauhan laban sa isang residente sa lugar na nakilalang si Rommel Lopez.
Pero hindi pa man sila nakakarating sa bahay ni Lopez, pinaputukan na sila ng isang hindi kikilalang lalaki.
Bilang pagtatanggol, gumanti ng putok ang mga pulis at napabulagta agad ang suspek.
Hinala nila, maaaring kamag-anak ni Lopez ang kanilang napatay at kaya umano nakipagbarilan ito’y para mapigilan ang paghuli sa kanilang target. ROBERT TICZON
.. Continue: Remate.ph (source)
No comments:
Post a Comment