KASONG paglabag sa RA 10591 o illegal possession of firearm ang nakatakdang isampa ngayon laban sa isang mister matapos saktan at takutin ng putok ng baril ang sariling mga anak sa Tiaong, Quezon.
Nabatid na nagtungo sa pulisya si Sheryl Abril upang idulog ang problema niya hinggil sa kanyang asawang si Edwin Abril.
Ngunit hindi pa man naisasalaysay ang buong pangyayari ay nakatanggap na ng tawag ang biktima mula sa kanyang pinsan na nagsusumbong hinggil sa umano’y pananakit ng kanyang asawa sa kanilang mga anak.
Maliban sa pananakit sa mga bata ay tinakot pa umano ng suspek ang mga biktima sa pamamagitan ng pagpapaputok ng baril.
Bunsod nito, agad na tinungo ng mga pulis ang bahay ng biktima na nadatnan ang suspek at nakuha sa kanya ang isang cal. 38 na baril. JOHNNY ARASGA
.. Continue: Remate.ph (source)
No comments:
Post a Comment