DAHIL hindi pinasiping ng dyowa, sinunog ng isang lalaki ang kanilang bahay sa Cagayan de Oro City nitong Miyerkules ng gabi (Pebrero 26).
Tinutugis na ngayon ng pulisya para panagutin sa krimen ang suspek na si Aminodin Macadaag, 28.
Sa ulat, naganap ang insidente dakong 10:35 p.m. sa bahay ng pamilya Macadaag.
Ayon sa kinakasama ng suspek na limang buwang nagdadalantao, bago ang insidente ay tumanggi ang suspek na kumuha ng bigas sa kanyang lola.
Bilang ganti, hindi pinasiping ng babae ang kanyang ka-live-in kaya nagwala ito at naghawak ng kutsilyo.
Sa takot na isaksak sa kanya, tumakas ang naturang babae at pagbalik nito ng ala-1 ng hatinggabi, abo na ang kanilang bahay.
Pansamantalang nagpapalamig ang babae sa bahay ng kanyang kamag-anak habang sinusuyod na ang lugar na maaring pinagtataguan ng suspek. ROBERT TICZON
.. Continue: Remate.ph (source)
No comments:
Post a Comment