HILING ng kampo ni Senador Ramon “Bong” Revilla, Jr., sa Sandiganbayan na payagan madalaw ang anak na si Cavite Vice Gov. Jolo Revilla matapos umanong aksidenteng mabaril ang sarili noong Sabado ng umaga habang nililinis ang baril nito sa kanilang tahanan sa Ayala Alabang.
Ayon kay Atty. Ramon Esquerra abogado ni Revilla, inihahanda na nila ang legal na hakbang upang pormal na payagang bumisita ang senador sa Asian Hospital and Medical Center sa Muntinlupa City na naka-confine ang bise gobernador.
Sa kasalukuyan ay nakadetine ang senador sa Philippine National Police Custodial Center sa Camp Crame dahil sa pagkakasangkot sa kontrobersiyal na multi-billion peso pork barrel scam.
Itinakbo si Jolo sa hospital pasado alas 9:00 ng umaga kahapon, Sabado.
Agad naman na dumating sa hospital ang ina nitong si Cong. Lani Mercado Revilla at tiyuhing si Mayor Strike Revilla.
Sinasabi ring ang paghihiwalay nila ng nobyang si Jodi Sta. Maria ang nagtulak kay Revilla para wakasan ang buhay.
Nananawagan naman ang pamilya Revilla na ipagdasal si Jolo para sa tuluyang paggaling nito. JOHNNY ARASGA
.. Continue: Remate.ph (source)
No comments:
Post a Comment