JPE, Jinggoy, Bong at Napoles muling kinasuhan sa Sandiganbayan

MULING kinasuhan ng Sandiganbayan sina Janet Napoles, Sen. Juan Ponce Enrile, Sen. Jinggoy Estrada at Sen. Bong Revilla ng graft naman.

Ito’y matapos isabit sila ng Ombudsman sa paglabag sa Republic Act (RA) No. 3019 o Anti-Graft and Corrupt Practices Act sa pag-eendorso ng priority assistance development fund (PDAF) sa mga pekeng non-government organization (NGO).

Si Enrile ay nahaharap sa 15 counts ng graft, si Revilla ay 16 counts of graft, si Estrada ay 11 counts of graft habang kinasuhan din si Napoles sa ilalim ng tatlo.

Bukod sa kanila, kinasuhan din ang chief of staff ni Revilla na si Atty. Richard Cambe, Budget and Management Undersecretary Mario Relampagos, on-leave Technology Resource Center (TRC) Dir. Gen. Dennis Cunanan at iba pa.

Maaari namang magpiyansa sa kasong graft o paglulustay, hindi katulad sa kasong plunder o pandarambong na una nang ikinaso kay Napoles at sa tatlong senador sa Sandiganbayan noong Biyernes.

The post JPE, Jinggoy, Bong at Napoles muling kinasuhan sa Sandiganbayan appeared first on Remate.

.. Continue: Remate.ph (source)

JPE, Jinggoy, Bong at Napoles muling kinasuhan sa Sandiganbayan