KAMAKAILAN ay nahirang na ‘The Best Police District ang Quezon City Police District (QCPD) sa National Capital Region (NCR). Hindi isa, kundi maraming beses nang nakatanggap ang QCPD ng ganitong pagkilala dahil sa mga extraordinary accomplishment.
Kumpara sa iba pang police districts sa Metro Manila, tila baga milya-milya ang layo ng QCPD sa kanilang anti-criminality campaign. Sa nakalipas na buwan lamang ay sunod-sunod ang achievements ng QCPD, notable sa mga ito ang busting isang big-time carnap ring.
Well-organized ang carnapping syndicate na ito, pero dahil sa dedikasyon sa trabaho, ‘di umubra ang sindikato sa QC police. Maraming nakaw na sasakyan ang nakuha sa grupo, pero ang pinakamahalaga, ang syndicate boss at mga tauhan ay mga nakakulong na.
At ilang araw lang ang nakararaan, nagpakitang-gilas na naman ang QCPD sa kanilang pagbuwag ng sindikato naman sa droga.
Kilo-kilong shabu na nagkakahalaga ng P75-million ang nakumpiska ng anti-narcotics operatives sa tatlong nadakip na drug dealer. Noong nakaraang buwan ay naunang nabuwag ng QCPD ang isang drug ring na nakuhanan din ng milyong halaga ng shabu.
Nais nating purihin ang buong QCPD District Anti-Illegal Drugs (DAID) sa pangunguna ni Senior Insp. Roberto Razon. Dahil sa matagumpay na magkasunod na drug operations, hindi lang QCPD ang mabango sa madla kundi ang buong kapulisan.
‘Yan nga ang sinasabi natin. Makahuhuli naman pala ang kapulisan ng kilo-kilong shabu kung talagang magtatrabaho lamang.
Tulad ng QCPD, kaya rin ng ibang distrito at ang buong kapulisan kung maging tunay lamang sila sa kanilang trabaho.
Sa totoo lang kasi, kapag pera na ng sindikato ang kumilos, nananaig na ang pagiging mukhang pera ng karamihan sa ating awtoridad.
Pero naniniwala rin tayo na ang mga police operative ay nagtatrabaho ayon sa anino ng pag-uugali ng boss na police official.
Isang halimbawa ay ang QCPD. Ito’y patunay lang na magaling si QCPD director C/Supt. Richard ‘Nero Wolfe’ Albano. CHOKEPOINT/Bong Padua
.. Continue: Remate.ph (source)
No comments:
Post a Comment