IBINUNYAG na ng isang bata ang isang taong paglilihim sa kanyang naranasang pang-aabuso mula sa isang binatilyo.
Sa ulat ng Quezon Police Provincial Office, nabatid na taong 2013 pa nang molestyahin ng 16-anyos na suspek ang 7-anyos na babae.
Nakita umano ng suspek na nasa loob ng bahay ang biktima kasama ang isa niya pang kapatid kung kaya pumasok ito at sapilitang ginahasa ang bata.
Nasaksihan pa umano ng kapatid ng biktima ang buong pangyayari ngunit sa takot na may gawin pang masama sa kanila ang suspek ay hindi na lamang ito umimik.
Subalit hindi na nakatiis pa ang biktima kung kaya nagsumbong na ito sa kanyang ina na agad namang dumulog sa pulisya.
Nasampahan na ng kasong rape ang suspek na hanggang ngayon ay pinaghahanap pa. Marjorie Dacoro
.. Continue: Remate.ph (source)
No comments:
Post a Comment