NATALO subalit taas-noo pa rin ang Philippine national team.
Kinaldag ng matatangkad na Croatia ang Gilas Pilipinas sa isang overtime game, 81-78, sa pagbubukas ng 17th FIBA World Basketball Cup na ginaganap sa Palacio Municipal de Deportes sa San Pablo, Seville City, Spain.
Nagpakita agad ng lakas ang team Croatia sa first canto at sa second period ay tinala nila ang biggest lead 15 puntos, 26-11.
Hindi naman nagpasindak ang Gilas at lumabas ang puso nila sa kalagitnaan second period matapos pumutok ang mga tres ni Jeff Chan.
Naibaba ng Phl team ang hinahabol sa anim na puntos, 31-37, sa half time break.
Sa third period bumanat din sa opensa sina Andray Blatche at point guard Jimmy Alapag hindi maiwan ang Gilas papasok sa payoff period.
Ang 3-pointer ni Blatche ang nagtabla sa iskor 64-all at ang tatlong free throws ni Chan ang nagbigay ng lamang para sa Gilas, 67-66, may 2:49 minuto na lang sa fourth.
Nagawa pa rin itabla ng Croatia sa 71-all at may tyansa sanang itakas ang upset win kung pumasok ang tres ni Chan. Elech Dawa
.. Continue: Remate.ph (source)
No comments:
Post a Comment