Malakanyang, pinaalalahanan ang mga OFWs na mag-ingat sa drug syndicate

PATULOY na kinalampag ng Malakanyang ang overseas Filipino workers (OFWs) laban sa modus operandi ng mga drug syndicate.

Ayon kay Deputy Presidential spokesperson Abigail Valte, na hindi nagsasawa ang pamahalaan na paalalahanan ang mga Pinoy workers na nagtatrabaho sa ibang bansa na magamit ng mga drug syndicate.

Ito’y makaraang mahatulan ng parusang kamatayan ang dalawang OFWs na sina Emmanuel Sillo Camacho at Donna Buenagua Mazon sa Vietnam bunsod ng pagpupuslit ng iligal na droga.

Sa kabilang dako, hindi malayong maharap din sa death penalty ang isang filipina drug courier na nahulihan ng 3 kilo ng shabu sa Kuala Lumpur International Airport.

Sinasabing itinago ng filipina ang dala nitong shabu sa kanyang bagahe kapalit ng P70,000 para dalhin ang shabu sa malaysia.

Kaya ang panawagan ni Usec. Valte ay mag-ingat ang mga OFws na ito sa mga drug syndicate. Kris Jose

.. Continue: Remate.ph (source)

Malakanyang, pinaalalahanan ang mga OFWs na mag-ingat sa drug syndicate