TIGBAK ang isang driver makaraang pagbabarilin ng hindi kilalang salarin sa Brgy. Commonwealth, Quezon City kaninang madaling-araw, Agosto 30, Sabado.
Kinilala ang biktima na si Valentino Torres, 43, may-asawa, part time driver ng Ericson St., Dona Nicasia subd., Brgy. Commonwealth, QC.
Si Torres ay nasawi dahil sa tinamong apat na tama ng bala sa katawan.
Ayon sa ulat ni PO3 Hermogenes Capili ng Quezon City Police District Criminal Investigation and Detection Unit (QCPD-CIDU), naganap ang insidente sa Payatas Road, Ipil-Ipil St., Payatas B, QC, dakong 4:30 ng madaling-araw.
Sinabi sa ulat na pinakiusapan si Torres para ipagmaneho ang isang Evelyn Lisardo kung kaya nagtungo ang una sa bahay nito sa Payatas, QC.
Habang binubuksan na ng biktima ang gate ng bahay ni Lisardo sunod-sunod na pinagbabaril ang una ng hindi kilalang salarin na ikinasawi nito noon din.
Inaalam na ng mga pulis ang suspek sa naturang krimen. Santi Celario
.. Continue: Remate.ph (source)
No comments:
Post a Comment