TIGBAK ang isang lalaki makaraang umanong makipagbarilan sa mga pulis habang inaaresto dahil sa pagsusugal ng cara y cruz sa Novaliches, Quezon City kaninang umaga, Agosto 30, Sabado.
Kinilala ang nasawi na si Roy Adolfo, 26, may live in-partner ng Luisito cor. Magdalena St., Brgy. Gulod, Novaliches, QC.
Si Adolfo ay nasawi noon din dahil sa tinamong tama ng bala ng baril sa kanyang katawan.
Ayon kay SPO1 Joel Gagaza ng Quezon City Police District-Criminal Investigation and Detection Unit (QCPD-CIDU), naganap ang insidente sa Tatlong Hari St., Sitio Aguardente, Brgy. Gulod, Novaliches, QC dakong 9:30 ng umaga.
Sinabi ni Gagaza na nakatanggap ng tawag mula sa concern citizens ang mga tauhan ng QCPD station 4 – Novaliches dahil sa paglalaro ng cara y cruz ng apat na kalalakihan sa naturang lugar na may nakasukbit na baril sa kanilang mga bewang.
Agad tinungo ng grupo nila Police Chief Inspector Raul Resoles ang naturang lugar at natiyempuhan ang apat na kalalakihan na naglalaro ng cara y cruz.
Sinita ng mga pulis ang mga lalaki subalit sa halip na sumuko bumunot ng baril ang mga ito at pinaputukan ang mga pulis.
Gumanti naman ang mga pulis na ikinasawi ng isa sa mga suspek habang nakatakas naman ang tatlong iba.
Narekober sa pinangyarihan ng insidente ang isang .9mm na baril na baril ng nasawi. Santi Celario
.. Continue: Remate.ph (source)
No comments:
Post a Comment