PATAY ang isang 17-anyos na lalaki nang nalunod sa Manila Bay malapit sa Manila Ocean Park sa Ermita, Maynila kaninang umaga.
Idineklarang dead-on-arrival sa Ospital ng Maynila ang biktimang si Marvin Cuaresma, ng 1421 P. Guevara St., Sta. Cruz, Manila.
Sa report ni SPO2 Jonathan Bautista ng Manila Police District, dakong 3:00 ng madaling-araw nang nagkayayaan ang biktima at mga kaibigan nito na mag-stroll sa Luneta.
Dahil hindi umano nasiyahan ang grupo ng biktima sa pamamasyal lamang ay naisipan nilang maglakad-lakad sa Manila Ocean Park hanggang sa maengganyong maligo sa dagat ganap na alas-7 ng umaga.
Ayon sa mga kaibigan ng biktima na sina Jerico Del Rosario, Jun Adrian Ortiz at Russel Talaveres, nagbiro pa raw ito na hindi marunong lumangoy subalit hinawakan niya ang kanyang ilong saka lumusong sa tubig.
Gayunman, ilang saglit pa ay hindi na nila nakitang lumutang ang biktima kaya nag-alala ang mga ito at humingi ng saklolo.
Nabatid na isang William Dela Cruz ang sumisid sa tubig upang hanapin ang biktima at nang makita’y isinugod sa ospital subalit hindi na umabot nang buhay. Jocelyn Tabangcura-Domenden
.. Continue: Remate.ph (source)
No comments:
Post a Comment