ITINUMBA ng isang hired killer sa Cotabato City ang municipal administrator ng South Upi town, Maguindanao, nitong nakaraang Biyernes ng gabi, Agosto 29.
Sinabi ni Senior Supt. Rolen Balquin, director ng Cotabato City Police na namatay noon din sanhi ng tinamong tama ng cal. 45 sa may kili-kili ang biktimang si Anastacio Sidik Roxas, 64, municipal administrator ng South Upi town sa second district ng Maguindanao.
Ayon sa nakasaksi, naglakad lamang ang suspek na parang walang nangyaring at inilarawan itong 35-38-anyos, nakaberdeng t-shirt at itim na short pants.
Sa ulat, naganap ang insidente dakong 5:25 nitong Biyernes ng hapon na ilang metro lamang ang layo sa Cotabato City police precint 1.
Bago ito, ipinarada ng biktima ang kanyang sasakyan sa tabi ng kalsada na ilang metro lamang ang layo sa nasabing presinto.
Pero habang pababa na ng sasakyan, sumulpot ang suspek at niratrat ang biktima saka tumakas.
Mahigit 200 katao na ang napatay sa lunsod sa serye ng pagatake simula pa noong 2010. Robert Ticzon
.. Continue: Remate.ph (source)
No comments:
Post a Comment