TATLO ang nalagas habang walo naman ang nasugatan sa nangyaring maaksyong jailbreak sa Zamboanga del Norte provincial jail sa may Barangay Poblacion sa bayan ng Siocon sa Zamboanga del Norte provincial jail nitong Biyernes, alas-7:55 p.m., Agosto 29.
Kabilang sa mga namatay ay ang jail guard na si JO1 Ryanbel Bagun at ang dalawang presong sina Ruel Humoc at Preciouso Humoc.
Sugatan naman ang walo, kabilang ang dalawang pulis na sina P03 Romel Jay Hachuela at P01 Paul Tombic; dalawang jail guards na sina J02 Roldan Felizarta at Patric Galvez, habang apat naman ay mga preso na nakilalang sina Reneboy Humoc, Lito Magsayo, Ryllmark Canonio at si Zenaid Insu.
Ayon sa Bureau of Jail Management and Penology (BJMP), naaresto na nilang lahat ang mga tumakas na preso sa kanilang isinagawang joint operation kasama ang PNP at mga sundalo.
Sa pagsisiyasat ng Zambonga City Police, lumabas na may isang preso na hindi nakuha ang pangalan ang biglang nang-agaw ng baril sa isang jailguard hanggang sa umalingangaw na lamang ang sunod-sunod na putok ng baril at nakitang nakabulagta ang tatlong katao.
Lalo namang nagkagulo nang samantalahin ng ilang mga preso ang nasabing insidente para tumakas.
Iniimbestigahan pa ng awtoridad ang nasabing jailbreak para matukoy kung ano ang naging pagkukulang ng BJMP sa insidente. Robert Ticzon
.. Continue: Remate.ph (source)
No comments:
Post a Comment