PINAG-IINGAT ng Food and Drugs Administration (FDA) ang publiko laban sa pagbili ng isang stem cell health product na ipinagbibili sa internet.
Nilinaw ng FDA na ang “Inner Power Stem Cell Booster” ay hindi rehistrado sa kanilang tanggapan.
“The product INNER POWER STEM CELLS BOOSTER, promoted and sold on-line, is not registered with FDA as a drug product, neither as a food supplement nor as human cells, tissues, and cellular and tissue-based products (HCT/Ps),” ani FDA head Kenneth Hartigan-Go, sa Advisory 2014-041.
Ipinag-utos na rin ni Hartigan-Go sa lahat ng FDA inspectors na kumpiskahin ang mga produkto na matutuklasang iniaalok o ipinagbibili sa mga outlet.
Sa isinagawang monitoring sa olx.ph site, nabatid ng FDA na sa pagbebenta ng produkto ay kini-claim nito na ang produkto ay nakatutulong sa stem cells production sa pamamagitan ng proseso ng mitosis na makatutulong sa reproduction ng platelet, red at white blood cells.
Ngunit sinabi ni Hartigan-Go na walang scientific o clinical study na susuporta sa naturang health at therapeutic claims.
Pinayuhan din nito ang consumers na maging vigilante at kritikal hinggil sa mga online at digital advertisements upang hindi mabiktima ng marketing schemes ng internet fraudsters.
Ang sinumang may reklamo o report hinggil sa mga hindi rehistradong health products o nakaranas ng adverse reactions mula sa paggamit ng mga ito ay maaring mag-email sa info@fda.gov.ph at sa report@fda.gov.ph.
The post Publiko pinag-iingat sa stem cell products sa online appeared first on Remate.
.. Continue: Remate.ph (source)
No comments:
Post a Comment