Umento sa sahod ng mga guro, ipoprotesta bukas

KASADO na ang malawakang kilos-protesta ng mga guro kasabay ng pagbubukas ng klase ngayong Lunes, Hunyo 2.

Sinabi ni Congressman Antonio Tinio ng Alliance of Concerned Teachers (ACT), ang kilos-protesta ay upang ipanawagan ang hirit na umento sa sahod para sa mga public school teacher at iba pang empleyado ng pamahalaan.

Bukas ay magdaraos ng kilos-protesta ang mga miyembro ng ACT sa Mendiola maging sa Visayas at Mindanao.

Ayon pa kay Tinio, ngayong 2014 ang ikalawang taon na hindi nadagdagan ang sahod ng mga empleyado ng pamahalaan, hindi lamang ng mga guro.

Noong 2012 pa ani Tinio, huling nataasan ang suweldo ng mga public school teacher na sa ngayo’y may tinatayang dami na 600,000.

Hihilingin nila na itaas sa P25,000 ang buwanang sahod ng public school teachers mula sa kasalukuyang P18,500 na starting salary.

Ihihirit din nilang itaas mula P9,000 hanggang P15,000 ang buwanang sahod ng entry level employee.

Kritikal din ang inihihirit nilang wage increase lalo’t isinasapinal na ang proposed budget para sa 2015.

The post Umento sa sahod ng mga guro, ipoprotesta bukas appeared first on Remate.

.. Continue: Remate.ph (source)

Umento sa sahod ng mga guro, ipoprotesta bukas