NANAWAGAN si Land Transportation Franchising and Regulatory Board (LTFRB) chairman Winston Ginez na dapat tumalima pa rin ang mga jeepney drivers sa 20 discount para sa mga estudyante, senior citizens at persons with disabilities.
Ang panawagan ay kaugnay sa ipinatupad na 50 sentimo na dagdag-pasahe sa jeep sa buong NCR, sa Region 3 at Region 4.
Ibig-sabihin, ang minimum na pamasahe ay magiging P8.50 na.
Sa mga estudyante, kinakailangan lamang na magpresenta ng ID bilang patunay. Epektibo ang discount mula Lunes hanggang Biyernes lamang.
Samantala, maaring may mga sumunod pang aprubahan na petisyon para sa dagdag-pasahe sa jeep sa mga probinsya.
Ayon pa rin kay Ginez, ilan sa mga ito ay sa Cebu, Iloilo at iba na maaaring pag-isahin na lamang ang pagdedesisyon batay sa unang inaprubahan na dagdag-singil para sa mga jeep sa NCR, Region 3 at 4.
The post Dagdag-pasahe sa probinsya isusunod ng LTFRB appeared first on Remate.
.. Continue: Remate.ph (source)
No comments:
Post a Comment