Cool lang ang relasyon at hindi kumplikado!

ITINANGGI ni Lovi Poe na “Hon” na ang tawagan nila ni Rocco Nacino. Rocco at Lovi lang daw ang tawagan nila pero naging open na si Lovi tungkol kay Rocco nang makatsika namin sa grand presscon ng Ang Dalawang Mrs. Real kasama sina Maricel Soriano at Dingdong Dantes.

“Well, nag-Europe na kami, e. Ha!ha!ha!” reaksyon niya.

More than friends na sila?

“Yeah, we’re definitely not just friends,” diretso niyang sagot.

Masaya raw siya ngayon. Nakatulong din ang pagbabakasyon niya sa Europe kasama si Rocco at nakapag-reflect. Nagkita raw sila ng sister niya na nagbakasyon din sa London. “Ang tagal ko ring hindi nagbakasyon nang mahaba. It was a fresh start again. Parang reset button siya sa akin,” sey pa niya.

Very light at very fun ang relasyon nila ni Rocco.

“Kasi ako, I love to laugh. E, siya..siguro hobby niya ang pagpapatawa,” sambit pa niya.

So clown ang gusto niya?

“Ha!ha!ha! ‘Yun din ang sabi niya sa akin, clown ba ako?” sey pa ni Lovi.

“He’s very funny at matalino siya. Masarap kausap,” pagsasalarawan pa ni Lovi kay Rocco at first time siyang nagsasabi sa press ang mga qualities ni Rocco.

Pero hindi niya masasabi ngayon kung saan hahantong ang relasyon nila ni Rocco.

Hindi pa raw niya naiisip kung gaano kaseryoso dahil ini-enjoy pa nila ang company ng isa’t isa gaya ng pagta-travel. Hindi pa ito ‘yung tipo na diretso na sa kasalan.

“Malayo pa ako run,” sambit pa niya.

Anyway, sa Lunes (Hunyo 2) na ang initial telecast ng Ang Dalawang Mrs. Real sa GMA Telebabad kapalit ng Rhodora X. Kasama rin sa serye sina Robert Arevalo, Celeste Legaspi, Tommy Abuel, Jaime Fabregas, Susan Africa, Ms. Coney Reyes, Alessandra de Rossi, Dominic Roco, Rodjun Cruz, Marc Abaya at Marc Justine Alavarez.

‘Yun na!

-0o0-

KAHIT si Sarah Geronimo ay naging open din kay Kris Aquino sa the Buzz nang tanungin ang larawang kasama niya si Matteo Guidicelli, Judy Ann Santos at Ryan Agoncillo.

“Supposedly magre-race po yata siya, si Matteo po, kaya lang he wasn’t feeling well kaya hindi siya nakatuloy. Binisita lang po namin si Kuya Ryan and Ate Juday,” sey niya pero kasama raw ang Daddy Delfin niya.

Inurirat din si Sarah kung si Matteo nga ba ang sinasabi ni Coco Martin na madalas ka-text niya nu’ng nagso-shoot sila ng Maybe This Time.

“Opo baka siya nga po yung ka-text ko noon,” pag-amin niya.

Speaking of Sarah at ibang coaches ng “The Voce Kids” gaya nina Bamboo at Lea Salonga, tinututukan ang unang batch ng young artists na nagpakitang gilas at gamit lamang ang kanilang boses sa Blind Auditions ng programa.

Siyam na young artists na ang nakapagpaikot sa chairs ng coaches at tiyak na mas titindi pa ang tensyon sa pagitan nila. Mayroon nang dalawang young artists na pasok sa Team Sarah, apat sa Team Bamboo, at tatlo naman sa Team Lea.

Sinu-sinong artists pa ang papasa sa panlasa at pandinig ng tatlong coaches?

Anu-anong paraan ang gagamitin nila para mapili ng artist na kanilang pag-aagawan? Sino sa mga voice kids ang masuwerteng mananalo ng Camella house and lot ng Vista Land ni Chairman Manny Villar bilang isa sa mga sponsor.

Bale 2nd time nila na mag-sponsor ng house and lot sa Kapamilya shows ngayong taong ito. Una ‘yung Bet on your Baby ni Judy Ann Santos. Actually bongga ang mananalo sa The Voice Kids kasi may premyong house and lot unlike sa naunang The Voice na wala.

Huwag palampasin ang pagpapatuloy ng Blind Auditions sa The Voice Kids tuwing Sabado, 6:45 PM at Linggo, 7:30 PM sa Yes Weekend ng ABS-CBN.

The post Cool lang ang relasyon at hindi kumplikado! appeared first on Remate.

.. Continue: Remate.ph (source)

Cool lang ang relasyon at hindi kumplikado!