TIWALA ang Malakanyang na hindi mapapataob ng “million people march” ang inihandang aktibidad ng pamahalaan para sa Independence Day Celebration.
Ayon kay Presidential Communications Sec. Sonny Coloma, kanilang iginagalang ang karapatan ng taong bayan na magtipon at iparating ang kanilang mga papanaw tungkol sa mga isyu tulad ng pork barrel scam.
Kailangan lang na tiyakin ng mga magsasagawa ng protesta na magiging maayos at mapayapa ang kanilang hanay.
Magugunita na tinatayang daan-daang libong Pilipino ang lumahok sa Million People March laban sa pork barrel noong Agosto 26, Araw ng mga Bayani, sa Rizal Park. Naging mistulang bayani ang bawat Pilipino na nagpahayag ng pagtutol sa korapsyon.
Mula Luneta, libu-libo pa ang nagmartsa patungong Mendiola para panagutin si Pang. Benigno Aquino III sa bilyon-pisong pork barrel scam na kinasasangkutan ng mga senador at kongresistang kanyang kaalyado.
Hinamon din nila ang Pangulo na i-abolish ang pork barrel, kabilang ang kanyang sariling pork barrel na umaabot sa P1-Trilyon.
The post ‘Million People March’ gawing mapayapa — Malakanyang appeared first on Remate.
.. Continue: Remate.ph (source)
No comments:
Post a Comment