REGULAR school pa rin si Miguel Tanfelix kahit siya’y nagkaroon na nang sunud-sunod na soap opera. Hindi pa niya nararanasan ang home study program.
Kasi ba naman linient ang school na pinapasukan niya sa Dasmarinas, Cavite. Basta wala siyang taping at may oras ay puwede siyang magreport sa school. Dito’y binibigyan siya ng personal lectures at assignment na dapat tapusin. Kung hindi naman siya nakaa-attend ng regular exams. Binibigyan siya ng special exams.
Kahit pinag-aartista ng kanyang parents si Miguel, pangunahin pa rin sa kanila ang education ng kanilang anak. Isang school administrator kasi ang kanyang amang computer engineer na namamahala ng school sa malapit sa kanilang lugar.
Ani Miguel: “Noong ‘di pa ako busy sa showbiz, laging nasa top ako ng klase. Pero ngayong busy na ako sa showbiz ay ‘di ako umabot sa pagiging honor student. Pero pasado at above average pa rin ang grades ko.”
Busy ngayon si Miguel sa bagong soap opera ni direk Maryo J. delos Reyes, ang Niño.
Kukunan ang photography ng soap sa Pagsanjan, Laguna na magsisimulang mag-taping ngayong Miyerkules. First lead role ni Miguel ang Niño, na lalabas siyang retardate. Pero may love interest pa rin siya, si Bianca Umali.
BENJAMIN ALVES WALANG BIRTHDAY DATE
WALANG birthday date si Benjamin Alves noong March 31, ang 25th natal day niya. Bagkus, kamag-anak at ilang close friends niya ang kanyang kasama.
Parang pahinga day din niya ang araw ng kaarawan niya dahil sa katatapos lang niyang lumahok sa Duathlon competition sa Cavite noong May 30.
Nasabi ni Benjamin, simpleng tao lang siya kapag birthday niya, basta may cake siya ay masaya na siya.
Dahil wala pang regular taping si Benjamin ngayon, sports activities ang kanyang kinahihiligan.
Bukod sa duathlon na kinabibilangan ng running and biking, nagsasanay nang husto si Benjamin sa swimming. Kasama na rin ang kakaibang diving. Nagustuhan niya ang diving dahil nakikita niya ang kagandahan ng dagat sa kailaliman.
The post Miguel Tanfelix, ayaw sa home study program! appeared first on Remate.
.. Continue: Remate.ph (source)
No comments:
Post a Comment