TIWALA ang National Bureau of Investigation (NBI) na mahuhuli na sa pinagtataguang lungga ang modelong si Deniece Cornejo na nahaharap sa kasong serious illegal detention kaugnay sa pambubugbog sa TV host/actor na si Vhong Navarro.
Ani NBI-NCR director Atty. Elfren Meneses, tukoy na nila ang pinagtataguan ni Cornejo.
Hindi naman idinetalye ang lugar na kinaroroonan ni Deniece upang hindi masunog ang ginagawa nilang operasyon.
Sinabi ni NBI deputy director Rafael Ragos, nakatakda na ring sumuko ang akusadong si Jed Fernandez matapos magpadala ng surrender feeler.
Magugunitang unang lumutang ang pangalan ni Fernandez dahil sa plano nitong pagtestigo.
Matatandaang noong Sabado, naaresto sina Cedric Lee at Simeon Raz sa pinagsanib na puwersa ng NBI, ISAFP at PNP sa Oras, Eastern Samar.
The post Lungga ni Deniece Cornejo tunton na ng NBI appeared first on Remate.
.. Continue: Remate.ph (source)
No comments:
Post a Comment